Amus 9:1 - Udél Dwata: Gna Kesfasad ne Lomi Kesfasad

¹ Ominu mton ke Dwata mdà klohok yóm gónó demsù. Dóken ou, monen, “Hgel bnogulem ta yó kem hehek Gónóu anì kmingò yó kem tgelen. Lenusokem yó kem htegen anì tbó yóm ketefen eta kulu yó kem tau nô laanen. Ke wen dù tau mowil, gotu bud hfatayu lu bè gida. Balù sotu ke wen glóy bélê le, ne là se wen gewà.

Amus 9:1 Referans Kwoze

Kem Lingón 68:21

Angat lenuna Dwata kulu yó kem hohonen, kulu yó kem tau tendo seflós mò sidek.

Deng Hegfan 1:17

Bè yóm ktonu du, tódóe hegluduk klohok tihen, lómón ke denge tódô matay mekto. Okóm ogoten do sigel kwananen, ne monen mò do, “Béi abay hlikò. Ou se yóm hol buten ne bud sónen.

Kun Snulat Jan 1:18

Yóm Dwata, laen kô tau deng mton du he. Okóm tek són yóm kun Ngà yó deng hetngón du tekuy yóm kmò Maen, abay se hol le senged Maen yóm Ngaen, ne senflósen nô béléen yóm Ngaen yó.

Hbakuk 3:13

Yó gónóm hesut nam e lenwà yó kem kóm tau, nam e lenwà yó kem tau deng nélékem. Botong bentuem kulu yóm tau malak gel mò sidek ne sulék genlaem yóm tau lemolò du.

Amus 3:14

“Bè yóm kdaw bang ktafaku yó kem tau Israél bè yó kem sidek deng gel nmò le, angat gotu genbau yó kem gónó le gel demsù bè Bétél. Yó kem hanga yóm gónó le gel demsù, angat gotu kenleng ne gotu btang ebè tonok.Angat gotu genbau yó kem tey gónô tilob hdà yó kem tau wen kendengen le, yóm gónô gónó le nô bè yóm bulónen tnaw ne yóm gónô gónó le nô bè yóm bulónen kinì. Gotu genbau yó kem gónô alì tilob klóónen. Kdê yó kem gónô lembang deng hdà le, angat gotu genbau. Ou se Dwata nim mudél ni.

Isaya 6:1

Bè yóm halay katay yóm tau hol geta bélê me boluyen Usiya, tódô tonu Dwata myón bè yóm gónón myón kmamal, tey kegetahen. Yóm nes tahà gedyol huli du klóón yóm alì kegetahen, botong gefet bè doli yóm Gónô gónóhen nô yóm ktahaen.

Kun Snulat Jan 1:32

Ne yó bud udél Jan, monen, “Tódô tonu Tulus Dwata gu tta bè longit hol lómón ke obun, htuntun ebè Jisas, ne tódô hlós nô béléen.

Sifanaya 2:14

Angat baling benwu gónó le nô yó kem ubiha ne kem safì ne kdéen kay ógóf lem bnes. Bè yó kem gónô deng gbà, angat gónó le lemóón yó kem kol ne tódô gungolem udél le gu tembó beng. Yóm koyu sidar alì tilob mò beng le, tódô hnas.

Isikél 1:28

Yóm gu hilolen lómón ke wen léwés mnóng du, hol lómón yóm léwés gel gfan gu lem lobun ke kmulón. Yó se kmoen yóm klóón Dwata hono sminang deng hegfan béléu. Bè yóm ktonu du, botonge gefen bè tonok ne ominu mungol yóm mudél ebéléu.

Isaya 30:16

Mom yó atul ye smakay ye kudà alì mlóy anì gehlóy ye yó kem hohon ye. Ne tahu se, gehlóy ye yó kem hohon ye. Ofo kuy mon du ke alì mlóy yóm kuy kudà snakay, anì monem là. Mom yó he kem tau kemtes kuy yóm alì metlasik klóy kudà le.

2 Tutul Israél 18:18

Omin Mikaya bud mon du, “Ni hol hnungol ye yóm udél Dwata. Tonu Dwata myón bè yóm gónón myón kmamal bè longit, mdà klohoken yóm kdê gel hógówen, wen se fi bè kwananen, ne wen se fi bè iwóngen.

Kul Nmò 26:13

Timbow deng móyónen gtungu kdaw bè yóm kógówu yó, Datù, tódô gloufu yóm tey layag temsang gu bè longit, botong kéng nóng kdaw. Yóm layag yó, tódô olohen temfeng dou ne yó kem dumuhu.

Deng Hegfan 8:3

Wen sotu hógów Dwata tonu tódô mógów ebè yóm gónó mtem yóm gel hboo le ebè Dwata, ne mdà bè yó. Wen tukung blówón kulóngen. Ne tey wen yóm gel hboo le blay le du boluyen insinsu mò ntemen anì yó, yóm kebelen mò mung bè yóm gel kni le bè Dwata yó kem tau hemtahu béléen. Yóm gónón mtem du, hono blówón, nô bè solu yóm gónón myón yóm fen kmamal.

Kem Lingón 68:22

Yó udél Dwata, monen, “Bud nwitu lu mosol gu bè Basan yó kem hohonu, ne yó kem dumu hohonu, bud nitu lu gu lem sokol mohin.

Jirimaya 42:16

yóm gida ne bitil alì knikò ye angat tendo eles huli kuy ne angat ye tódô matay ditu.

Amus 7:17

Yó gónóm mon, Amasaya, ni se udél Dwata ebéléem yó monen, Lemwót bè yóm là kóyóem hmungol, angat baling libun hdóyón yóm yehenem lem nim syudad ni ne yó kem ngaem logi ne kem ngaem libun, tódô le gotu matay bè gida. Ne gotu sensólól le yóm tonokem ne blay le bè yó kem dumu tau. Lemwót kóm, feni matay bè tólóng benwu. Angat gotu negef le lu etu yó kem tau Israél ebè benwu mayuk.”

Sifanaya 1:12

Bè yóm kdaw yó, angat wen solok nwitu mò soloku bè yóm gónón alì kmifu bè Jirusalim, hnebelu yó kem tau alì hmingay du yóm kegsalà le. Yó gel hendem le, ‘Laen kô dù hyu nmò Dwata bélê me ne laen se dù sidek nmoen.’

Amus 7:9

Yóm gónô gónó le gel tmaba ebè yó kem dwata kéng yó kem ból Isak, angat gotu hegbau yó kem hohon le. Yó kem gónô deng hetfing le ebéléu yó kem tau Israél, angat gotu hegbau. Naw na hnotok yóm kul kogot benwu yó kem ktol Jirubuam, bede hlanu bè sudeng yó kem hohon le.”