Amus 8:4 - Udél Dwata: Gna Kesfasad ne Lomi Kesfasad

⁴ Ni mò hol hnungol ye, yu kem tau gel hemgnok yó kem tau élél ne gembà klowil yó kem tau laen dù kwa le lem nim benwu ni.

Amus 8:4 Referans Kwoze

Amus 5:11

Gel ndà ye yó kem tau élél ne hennagaw ye yó kem ngà nuta le lemwót bè yóm dê hbayad ye kul. Yó gónóm mon là kô ye na a gnô lem yó kem gónô botu alì tilob deng hdà ye. Là se ginum ye du yóm tifas grép lemwót bè yó kem tey tilob gónó ye hmulu kul.

Kem Udél Hlalak Tehe Selumun 30:14

Wen se kem tau alì sidek kongò le yó kem tau élél mò lan le temnù yóm kul gónó wen.

Kem Lingón 14:4

Ofo kul mon du ke là gel ton Dwata du yóm sidek gel nmò le. Yó udél Dwata, monen, “Laen kô dù bélê le ke hulung hedem. Tódô le mowil lan le lemugi yó kem dou tau. Hol mou kun ne ke tô le gel mni ebéléu yó kem tau gel mò sidek yó.”

Kem Lingón 140:12

Okóm tngónu angat dohò tnóbóng Dwata yó kem tau alì hensidek le, angat nfihen yó kem tau élél.

Kem Lingón 12:5

Yó balà Dwata kul, monen, “Deng tonu yóm alì klunog le yó kem tau laen dù gmò le. Deng gungolu dolong yó kem tau élél hnayam le. Duhen yó, lemwóte naw e lenwà lu, ni se yóm tendo hendeen le béléu.”

Sulat Jim 5:6

Deng dnuón ye yó kem tau laen dù salaen bélê ye, ngangen efet ghatay ye lu. Tódô le kem hegbayà bélê ye.

Matyu 23:13

Bud mudél Jisas, monen, “Angat tey tafak ye yu kem tau tmolok hlau ne yu kem Farisi, yu kem tau gel hemtedeng knô. Lómón ke deng mom kendadu ye yóm bak dól bè yóm kogot Dwata tau. Là se kô ye dog gusek kuy, ne deng mom henseng ye yó kem tau móyô mung.

1 Bok Kem Tau Hol Geta 22:19

Omin Mikaya bud mon du, “Ni hol hnungol ye yóm udél Dwata. Tonu Dwata myón bè yóm gónón myón kmamal bè longit, mdà klohoken yóm kdê gel hógówen, wen se fi bè kwananen, ne wen se fi bè iwóngen.

Amus 7:16

Duhen ni, hol hnungolem yóm udél Dwata. Gel monem, ‘Béen wen tugodem gbak ebè benwu Israél. Béen wen tulónem gbak eta yó kem tau Israél yóm kun sfu Isak.’

Isaya 28:14

Yu kem tau heklabak malak yó kem tau bè ni bè Jirusalim, hol hnungol ye yóm udél Dwata ebélê ye.

Isaya 1:10

Ó Jirusalim, yó kem tau mogot kóm ne yó kem tauhem deng le mkél bè kul alì ksidek nmò yó kem tau tehe menwu bè Sodom ne Gomora. Hol hnungol ye dé yóm kdê ye yóm udél Dwata ebélê ye. Hol kenmón ye dé yóm hdalangen kuy.

Kem Lingón 56:1

Ó Dwata, hol knoduhem ou, abay se deng nundug le ou yó kem hohonu. Knoyung le kdaw mundug dou.

Amus 5:12

Abay se deng gotu tngónu yóm alì kwen yó kem salà ye ne gotu tngónu yó kem dumu sidek gel nmò ye. Gel hen-gnok ye yó kem tau tedeng kmò le, lel ye gel ma mò wa nawa ye ne gel henseng ye bè kukum yóm kul ktahu yó kem tau élél.

Mika 2:2

Yó kem tau matul mò sidek yó, ke nóyô le ma tonok sotu tau, tódô nled le. Ke nóyô le gónô kem dumu le, tódô nwa le. Laen kô dù tau menek kkimuhen bélê le.

Kem Lingón 10:7

Yóm gel btang bè sumóng le, hono udél hemmulà, udél mò kéng, ne udél mifis. Mahil bélê le mudél sidek ne mudél hemsidek kem dumu le.

Mika 3:3

Hol lómón ke deng gotu ken ye unged le yó kem dou tau. Gotu nukét ye kulit le ne tenfok ye tiol le ne gotu ntól ye lu lómón utón tnógó lem kuleng.

Sikaraya 5:6

Bud snólóku, “Boluyen yó du?” Bnalaen ou, monen, “Yó se abì. Ne tódô hnok lemen yó kem salà yóm kdéen tau bè klamang yóm benwu ni.”