Amus 8:3 - Udél Dwata: Gna Kesfasad ne Lomi Kesfasad

³ Bè yóm kdaw yó, yóm kesngal le lem Gónô Dwata angat baling ngawóy le. Tódô hgasà tau matay bè gida. Tódô bot le lu bè lewà yóm syudad, balù sekteb ke wen mudél. Ou se yóm Dwata hol dandónen geta nim mudél ni.”

Amus 8:3 Referans Kwoze

Amus 5:23

Blà ye ne hebnes semngal. Là bude móyô hmungol du ne yó kem gel kenbit ye.

Amus 5:16

Duhen yó, ni se udél yóm Dwata laen dù là gbeken du, monen, “Angat wen mngawóy bè yó kem plasa le ne mkik bè kdê yó kem lan lem syudad. Balù yó kem tau mò hulu, tódô tnaba le lu mò modung, slomong le bè yó kem tau gel bnayad mò modung.

Hlolò 10:3

Omin Musis mon du mò ke Aron, “Nim hegfà Dwata kul ni, ni se gónón e gbak yóm tehe udélen, yóm monen, ‘Angat hegfanu bè yó kem tau blóng ebéléu yóm tey klaen dù belenu. Ne angat wen klikò le do yó kem tau Israél.’ ” Okóm tódô neb Aron.

Nahum 3:3

Ngem, tódô temfasù yó kem sendalù smakay kudà, tódô smilà bak sudeng le, bak buyus le kéng dilóf ofi. Nawaw tódô hgasà tau matay, là kô gbekem msó kul hilu luduk hono tau deng matay. Yó kem tau tô mlóy, gotu le tlokob ta le.

Amus 8:10

Yóm gel kehligal ye mken bè dou Gónô, angat henbalingu klangag ye ne yóm gel kehligal ye semngal, henbalingu kik ye. Lemwót bè klangag ye gónó ye lemsek nes sakù ne gotu tenbulud ye wek ye, lómón yó kem tuha nodung le yóm tek sotu ngà le logi. Ya tey sidek khééten yóm kdaw yó.”

Amus 4:10

“Deng hwitu elem blóng ye se yóm tey hlayam, lómón yó kem hlayam tehe hwitu ebè yó kem tau Idyip ekni. Deng hfatayu bè gida se yó kem ngà ye logi hanà lomi lemnok ne gotu hfatayu se yó kem kudà le. Deng tódô hono boo bolok tau matay gungef ye bè kamfù ye. Ewenem sana là kóyô ye semfulék ebéléu,” mon Dwata.

Juwél 1:13

Yu kem tau gel blóng ebè Dwata, mnes ye sakù. Hlangag ye, yu kem gel mò nmò bè gónó demsù. Géhél ye ne, yu kem tau gel mò nmò bè Dwata, suloy ye buteng mnes sakù. Laen kô dù bud halay ne tifas grép blay ye ebè Gónô yóm kuy Dwata.

Juwél 1:11

Yóm kdê ye kem tau mò hulu, laen dù bud ken-gel nawa ye ne. Hol ye hlangag, yóm kdê ye kem tau mulu grép. Hlangag ye abay se deng gotu sidek yó kem halay ye ne yóm kdê dumu hulu ye.

Juwél 1:5

Ó kem tau gel hlengel, btik ye ne hol ye mkik. Hlangag ye, yu kem tau gel minum tifas grép abay se deng gotu sidek yó kem bungu grép ye, laen dù bud gónó ye ma ke tô ye bud mò tifas.

Jirimaya 22:18

Yó gónóm mon, yó udél Dwata eta Jihuyakim yóm ngà Jusaya deng bud tles maen mogot yóm benwu Juda, monen, “Là kô wen fes lówóhen mkik du ke sok matay. Ne laen se dù kem tau nogoten kemmón du yóm katayen.

Isaya 37:36

Bè yóm kifu yó, wen sotu hógów Dwata gu bè longit ebè yóm kul kamfù yó kem sendalù Asirya. Botong lematu bud wolu folò limu libu sendalù Asirya hnatayen. Bè yóm deng kwasen tódô hgasà kem sendalù, deng le gotu matay.

Kem Lingón 39:9

Tódóe yem bè soluhen, là kóe bud mudél, abay se uu yóm deng tmafak dou.

Amus 6:4

Hatay ye se kuy, yu kem tau hegléd bè yóm gónón myón alì mebtes, tódô slibut hono kem kimu heklóón gu hilolen, kem tau tendo gel mutón ngà ubiha ne ngà safì.

Amus 6:5

Tey ye móyô mò sngal mkél bè yóm tehe nmò Dabid, omin ye molò du bè yóm gel kenbit ye.

Amus 6:8

Yó eles safà yóm Dwata hol dandónen geta hlanen bè boluyen, yóm Dwata laen dù là gbeken du, monen, “Tey kenbéu yóm alì kehegeta le knô yó kem tau Israél. Tey sidek matahu mton du yó kem gónô lembang tilob hdà le. Angat gotu blayu elem tdok yó kem hohon le yóm syudad le ne kdê yó kem nô lemen.”

Sifanaya 1:7

Bê ye abay mudél bè solu yóm Dwata hol dandónen geta, yakà móyónen kól ne yóm kdaw kkukum Dwata tau. Deng eles fan Dwata lu yó kem tauhen mò hfatayen ne deng eles tinoken yó kem hohon le mò gemlà kul.