Amus 8:2 - Udél Dwata: Gna Kesfasad ne Lomi Kesfasad

² Snólók Dwata ou, monen, “Amus, tedu de tonem?” Bnalau se, monu, “Abì hnok bungu koyu deng mélél.” Omin Dwata bud mon du mò dou, “Yóm bungu koyu deng mélél ni, hnigaden yó kem dou tau Israél deng tey tógó tmafak kul. Là bud gnolunu du ne yóm ktafaku kul.

Amus 8:2 Referans Kwoze

Amus 7:8

Ne snólók Dwata o, monen, “Amus, tedu se tonem?” Bnalau se, monu, “Tuntun.” Omin Dwata bud mon du mò do, “Ngem, nim tuntun ni mò lanu milô yó kem tauhu Israél. Ke là tedengen yóm ktonu kul, angat dohò yóm ktafaku kul.

Sikaraya 5:2

Bud snólóken o yóm hógów Dwata gel stulón do, “Tedu se tonem?” Bnalau se, monu, “Klatas lenulun deng mból móyóng te kmawang, dô syóm mitru ktahaen ne fat mitru sóól klamangen.”

Isikél 3:10

Bud monen mò do, “Yó ne, Tau Tonok, hol eles hnungolem se kóm yóm udélu ebéléem ne hol gna suem bè nawahem yóm kdê tulónu kóm.

Isikél 3:7

Okóm hógówu uu ebè yó kem tau Israél ne là kô na le e hnungol kóm. Balù sem ou du, là kô hnungol le do, abay se hono le tau mgel kulu yóm kdê le.

Jirimaya 40:10

Bong ni dum dou, heneke bè ni bè Mispa mò dung lówó ye ke wen kem tau Babilun sut bè ni. Tódô ye mélék mò gónó ye henek nô, mebel ye ken ye bè nim tonok ni. Muta ye yó kem bungu grép ne yó kem dumu bungu koyu ne bungu ulib mò henyu ye.”

Isaya 28:4

Yóm alì któtól le, angat hlós menes efet là bud tngónem du. Hol lómón yóm bungu koyu gna mélél, wen gna ma du mò ken ne là bud tngónem du ne.

Tekang Kbuten 6:13

Ne yó gónó Dwata mudél ebè Nuwa, monen, “Ó Nuwa, deng hendemu ne kmou són le yó kem tau. Angat gotu genlau lu abay se hono sidek yóm gel nmò le bè klamangen benwu.

Amus 8:1

Bud wen htonen dou yóm Dwata hol dandónen geta. Htonen do yóm abì hnok bungu koyu mélél nô lemen.