Amus 8:1 - Udél Dwata: Gna Kesfasad ne Lomi Kesfasad

¹ Bud wen htonen dou yóm Dwata hol dandónen geta. Htonen do yóm abì hnok bungu koyu mélél nô lemen.

Amus 8:1 Referans Kwoze

Amus 7:1

Wen htonen dou yóm Dwata hol dandónen geta. Tonu yóm tey tlangas mfól deng eles hentifesen mò hwiten ete tonok. Yóm ktonu du ni, deng kogol kuta le bad yóm tau hol geta ne deng bud nbuten tmowok yóm mò kul nuta.

Amus 7:7

Bud wen hton Dwata dou. Tonu Dwata mdà bè kilil yóm beng deng hlan le bè tuntun yóm tehe kehdà le du. Ne wen tuntun nogoten lanen hménég du ke deng hol tedeng.

Amus 7:4

Ominen wen bud htonen dou yóm Dwata hol dandónen geta, tonu deng eles wen ofi hentifesen mò tafaken yó kem tauhen. Yóm ofi yó, deng hektihen sokol mohin ne tolo lelen mken yóm klamang tonok.

Jirimaya 24:1

Kogol yóm deng kegef Nibukadnisar bè Babilun ke Jihuyakin yóm ngà yóm tehe Jihuyakim bè Juda, mung du yó kem genlalen ne yóm kdê tau wen kenhulung tdok le, wen hton Dwata béléu. Yó tonu wen lewu abì hnok fig myón bè lewà yóm Gónô Dwata bè Jirusalim.

Amus 7:17

Yó gónóm mon, Amasaya, ni se udél Dwata ebéléem yó monen, Lemwót bè yóm là kóyóem hmungol, angat baling libun hdóyón yóm yehenem lem nim syudad ni ne yó kem ngaem logi ne kem ngaem libun, tódô le gotu matay bè gida. Ne gotu sensólól le yóm tonokem ne blay le bè yó kem dumu tau. Lemwót kóm, feni matay bè tólóng benwu. Angat gotu negef le lu etu yó kem tau Israél ebè benwu mayuk.”

Amus 8:2

Snólók Dwata ou, monen, “Amus, tedu de tonem?” Bnalau se, monu, “Abì hnok bungu koyu deng mélél.” Omin Dwata bud mon du mò dou, “Yóm bungu koyu deng mélél ni, hnigaden yó kem dou tau Israél deng tey tógó tmafak kul. Là bud gnolunu du ne yóm ktafaku kul.