Amus 7:4 - Udél Dwata: Gna Kesfasad ne Lomi Kesfasad

⁴ Ominen wen bud htonen dou yóm Dwata hol dandónen geta, tonu deng eles wen ofi hentifesen mò tafaken yó kem tauhen. Yóm ofi yó, deng hektihen sokol mohin ne tolo lelen mken yóm klamang tonok.

Amus 7:4 Referans Kwoze

Amus 7:1

Wen htonen dou yóm Dwata hol dandónen geta. Tonu yóm tey tlangas mfól deng eles hentifesen mò hwiten ete tonok. Yóm ktonu du ni, deng kogol kuta le bad yóm tau hol geta ne deng bud nbuten tmowok yóm mò kul nuta.

Deng Hegfan 4:1

Kogolen yóm yó koni, bud wen tonu. Tódô tonu hnas yóm sotu bak dól bè longit. Ne bud mudél se yóm tehe mudél ebéléu, yóm lómón uni féw bong udélen, monen mò do, “Mógówi edini kun, naw e tolok kóm yó kem sut hulin kdaw.”

Hibru 1:7

Ne yó fen udél Dwata gbak ebè yó kem gel hógówen, yó monen, “Yó kem gel hógówu gu bè longit, gbeku hembaling kul lenos duhen ke dilóf ofi.”

Nahum 1:6

Ke wen lenbuten, tau du de gembek mdà bè soluhen? Tau du de bud mowil bè yóm tey kebuten? Yóm kebuten yó, hol lómón ke mkal yóm tey dilóf ofi, botong lemusok bè soluhen yó kem léhék.

Mika 1:4

Yó kem bulul gónón mlan yó, gotu le mnò laan tihen hol lómón ke tolu mnò lem ofi ne tódô molo ebè datal lómón ke él molo gu lem bulul.

Amus 7:7

Bud wen hton Dwata dou. Tonu Dwata mdà bè kilil yóm beng deng hlan le bè tuntun yóm tehe kehdà le du. Ne wen tuntun nogoten lanen hménég du ke deng hol tedeng.

Amus 5:6

Semfulék ye ebè Dwata anì mowil ye. Ke là semfulék ye, hol lómón ke mken ofi kmoen kuy kem tau Israél. Tódô himot hotuhen yó kem tau bè Bétél ne laen kô dù tau tonem mò hmatay du yóm ofi yó.

Amus 4:11

“Deng wen genlau bè yó kem syudad ye lómón yóm tehe ksulék keglau yóm benwu Sodom ne Gumura. Yó kem dù mowil bélê ye, hol lómón ke yóm koyu deng ken ofi dolihen bè yóm keskot le du lem ofi. Ewenem sana là kóyô ye semfulék ebéléu,” mon Dwata.

Amus 1:7

Yó gónóm mon angat wen tey ofi hwitu ebè yó kem beng yóm syudad Gasa, efet gotu kenen yóm kdê gónó le gel heklung bè yó.

Amus 1:4

Yó gónóm mon, angat wen tey ofi hwitu ebè yóm gónô bong deng hdà Hasaél, gomong kenen yóm kdê gónó le gel heklung deng hdà Bin-hadad yóm tau mò tlesen.

Juwél 2:30

Angat tey wen hentaw ton nmou bè longit dalang se dini talak tonok. Angat wen litô ne ofi ton ye, mung du yóm tey kebelen tódô mbob etta.

Jirimaya 4:4

Kó ye yóm sidek nô lem hendem ye ne yóm sidek nô lem but blutut ye. Ke là nmò ye du yóm yó, yóm kebutu kuy hol lómón ke mkal yóm tey dilóf ofi là gbek tau hmatay du, gotu kenen yu lemwót bè yó kem salà ye.” Là gomongen bè nili yóm bérs 5 kól bè bérs 31. Yó tulónen bè ni kem bérs ni yóm angat kgida yóm sotu benwu bong yóm benwu Israél. Nim benwu bong ni, tey mfasang ne mbegel kem tauhen, benwu nô fi bwak yóm benwu Israél. Bè yóm angat kgida le bè Israél, gotu genbà le yóm benwu le ne gotu negef le yó kem tauhen. Ya tey sidek kegnóm Jirimaya du yóm igoen tmulón du kul yóm angat gfà le yó lemwót bè yóm là kimón le ke Dwata. Là gomongen bè nili yóm tsaptér 5. Yó tulónen bè nim tsaptér ni yóm kdók Jirimaya yó kem tau anì mebel le bè klamang yóm syudad Jirusalim ke wen sotu tau ton le tau gulit ne teneb bè Dwata ne ndaen yóm ktahuhen. Mon Jirimaya ke wen sotu tau ton le, gbek Dwata hmifót salà yó kem tau lem syudad Jirusalim. Okóm balù sotu ke wen ton le. Yó gónóm mon, là gselem ke Dwata ke tnafaken yó kem tauhen. Yó angat nmò Dwata, wen tey gida bong hwiten elem benwu le mò gemlà kul lemwót bè yóm là kimón le.

Isaya 27:4

Là bud lenbutu du yó kem huluhu. Ke wen tonu ngà koyu semnual duhen ke wen kluon semnual tô hemsidek du, tódô gotu ntemu lu he.

Dwata 32:22

Yóm kebutu kul ni hol lómón ke mkal ofi, tódô gotu kenen yó kem kentihen nô talak tonok efet kól ditu tlaan bè benwu yó kem tau deng matay. Gomong kenen yó kem but bulul laan tonok.

Lista 16:35

Omin Dwata hesut yóm tey dilóf ofi ne gotu sulék kenen yóm lewu latu limu folò tau mit insinsu yó koni.

Hlolò 10:2

Bè yóm kwit le du ebè solu Dwata yóm ofi yó, tódô sen-gengen sut bélê le yóm tey dilóf ofi hwit Dwata ne tódô le se matay mekto bè yó bè solu Dwata.

Juwél 1:19

Ó Dwata, hol tnóbóngem mi. Hol lómón ke deng gotu ken ofi yóm gónó le mótób yó kem ógóf me kkólen bè yó kem koyu me, hol lómón ke deng le gotu mlób.

Amus 2:5

Yó gónóm mon angat wen tey ofi hwitu ebè Juda ne gotu kenen yóm kdê gónó le gel heklung bè Jirusalim.”