Amus 7:3 - Udél Dwata: Gna Kesfasad ne Lomi Kesfasad

³ Tahu se, là hdohò Dwata du, monen, “Là dohoen yóm deng tonem yó.”

Amus 7:3 Referans Kwoze

Dwata 32:36

Angat lenwà Dwata yó kem tauhen ke tonen yóm klaen dù bud kgis le. Knoduhen yó kem tau mimón du ne tonen là holen bud wen dù tebel bélê le. Yakà deng le gotu meglà, kem tau hesek ne kem tau là hesek le.

Juna 3:10

Tahu se, ton Dwata yóm nmò le yó ne tonen se yóm gotu ktebel le du yóm kdê sidek gel nmò le. Yó gónón temles hendemen ne là kô dohò tnafaken kul, lómón yóm tehe monen mò kul.

Husiya 11:8

Ó kem tau Israél, mò tô keblayu kuy elem hólól yó kem hohon ye du? Mò tô kbayau kuy bélê le du? Là gbeku du ke sulék genlau yu lómón yóm tehe keglau yóm lewu kem benwu Adma ne Sibuim. Lebà nawaw ke yó tô nmou. Tey mget yóm kbong nawaw kuy.

Amus 7:6

Tahu se, là hendohò Dwata du, monen, “Là dohoen snéen yóm deng tonem yó,” udél yóm Dwata hol dandónen geta.

Juwél 2:14

Ke semfulék ye ebéléen, déke là hendohoen du yóm tô nmoen bélê ye ne mom bud tnóbóngen yu, hwenen tbas ye ne tifas grép ye anì wen bud blay ye ebéléen yóm sana kuy Dwata hol gónó mogot.

Kem Lingón 106:45

Hentulónen nawa yóm tehe senfasad le, lemwót bè yóm là konolen yóm kbong nawahen kul, yó gónón temles hendemen.

Sulat Jim 5:16

Yó gónóm mon, hol ye gel seflifót, ne hol ye gel stóbóng mni bè Dwata yóm kdê ye anì kó Dwata bélê ye ke wen tenduk ye. Yóm tau hyu kmoen, tey mtud yóm knihen bè Dwata.

Jirimaya 26:19

Bè yóm tehe kungol Hisikaya du dalang se yó kem tau bè Juda yóm tulón Mika kul yó, hnatay le kô Mika? Là gi. Deng le mom likò ke Dwata ne gotu kó le yó kem sidek deng gel nmò le, gotu le bud tmaba ebè Dwata ne hkodu le béléen yóm kdê le. Ne yó gónó Dwata là dmohò du yóm tô keglaen kul. Ne ni, ke hnatay tekuy Jirimaya ten-geed tekuy mit keglà bè kut knô.”

1 Tutul Israél 21:15

Ne hógów Dwata yóm sotu hógówen gu bè longit anì genbaen Jirusalim. Okóm timbow tô genlà yóm hógów Dwata yóm syudad Jirusalim, mom bud mayuk se nawa Dwata bè yóm alì kehsideken yó kem tau. Yó monen mò yóm hógówen, “Geblaen yó ne, béem bud henlós.” Bè yóm kudél Dwata ebè yóm hógówen yó, lemwót yóm hógów Dwata yó tódô nô bè yóm gónón gel kmusu Arauna, yóm tau Jibusayt.

Tekang Kbuten 6:7

yó gónón mon du, “na gotu genlà lu dé ni kem tau deng nmou ni, dalang se yó kem ógóf ne yó kem onuk koyu, abay se gsele bè yóm kmou kul.”

Kem Lingón 90:13

Kilón de kkóhen yóm kebutem kum? Hol knoduhem mi sen, Dwata, kem tau tóbóng lówóhem.

Jirimaya 42:10

‘Tódô ye henek bè nim benwu ni. Ke ni se nmò ye bud hdau yu, là kô naw e bud hebtang kuy. Lómón ke bud huluhu yu ne là kô naw e bud kendut kuy. Là gbeku du ke là tnafaku kuy lemwót bè yóm là kimón ye. Bede bud sidek kegnómu du bè yóm alì keglayam ye.

Juwél 2:13

Hol hton ye yóm klangag ye, bede béen mlan bè keksê ye nes ye. Yake bè kebà nawa ye gónó ye hton du.” Bud ye semfulék ebè yóm sana kuy Dwata hol gónó mogot abay se wen nawahen tmóbóng kuy ne tey hulung kmodu. Là kóen mahil lembut ne tey bong nawahen tau. Móyô hmifót, abay se là nóen bè nawahen ke tô tnafaken tekuy.

Amus 5:15

Hol kenbê ye yóm sidek, ne hol henlom ye nawa yóm tedeng. Ne hol hentedeng ye kukum bè gónô skukum. Ngem, déke bud mulék kodu Dwata yó kem dù tauhen tolo mowil bè nim benwu ni, yóm Dwata laen dù là gbeken du.

Kehewà 32:14

Tahu se, tenles Dwata hendemen, là dog dohò genlaen kul yó kem tauhen.

Kem Lingón 78:38

Okóm balù yó he, tey kkodu Dwata kul, hnifóten salà le, ne là kô genlaen kul. Tey dê duléken ne mafas du yóm kebuten kul, là hesuten du yóm alì sidek kebuten kul.