Amus 7:2 - Udél Dwata: Gna Kesfasad ne Lomi Kesfasad

² Bè yóm hton Dwata do yó, tonu yó kem tey tlangas mfól, gotu ken le yóm kdéen tmowok te tonok. Ominu mon du, “Ó Dwata hol dandónen geta, hkoduhe béléem, hol hnifótem mi yó kem tauhem. Ke hógówem yó kem tey tlangas wen yó, tedu se tô klowil me du? Igò me là bud hol wen.”

Amus 7:2 Referans Kwoze

Isaya 37:4

Deng hógów yóm tau hol geta bè Asirya yóm sotu geta bè yó kem genlalen anì nan e hennê yóm Dwata là matayen. Yake yó hem Dwata gónóhem mogot hol mungol du yóm kehnê le yó anì gotu tnafaken lu. Duhen ni, holi mni kut bè Dwata bè yó kem dù tau tebel bélê tekuy.”

Jirimaya 42:2

Jirimaya yóm tau tugod Dwata. Yó mon le mò du, “Holi mni kum bè yóm sana kut Dwata hol gónó mogot. Tonem ni là kô tekuy hol bud wen. Là mkélen bè yóm gnan, tehe tey kwen tekuy.

Jirimaya 14:7

Yó udél Jirimaya, monen, “Balù yóm tey kegsalà me, Dwata, nam na hol bud tnóbóng mi anì ton yó kem tólóng tau hmilol kum mò gónó le madat kóm. Deng tey dê dulék me kmogol kóm. Deng me gemsalà béléem.

Kehewà 10:15

Tódô hfitem tonok lemwót bè yóm tey tlangas wen lememek etahen. Gotu ken le yó kem dù mowil bè bulók kulón, gomong yó kem bungu koyu. Balù udì ke wen tonem hulu duhen ke doun koyu bè klamangen Idyip.

Deng Hegfan 9:4

Okóm là hlus Dwata du kul ke hensidek le yó kem bnes ne yó kem koyu ne yó kem hulu. Són olo hlusen kul, són yó kem tau laen dù kun ilô Dwata lem uyó le.

Sikaraya 4:10

Hol bê ye abay senlón ke udì yóm ton ye mò buten, yakà hligal Dwata du bè yóm ktonen du yóm kbut kehdà ye du yóm kun Gónô, hligal bè yóm ktonen yóm tuntun nogot Sirubabél. Yóm hitu solok hnigaden yóm hitu mata Dwata, gotu tenngelen yóm klamangen.”

Amus 7:5

Ominu mon du, “Ó Dwata hol dandónen geta, hkoduhe béléem, béem hwit kut yó. Là mowil me du yó kem tauhem. Igò me là hol bud wen.”

Danyél 9:19

Ó Dwata, hol hnungolem ou. Ó Dwata, hol hnifótem mi. Hol henklinguhem ou ne bnalaem dou yóm hnihu béléem. Béi abay hgolun, Dwata, anì tngón yóm kdéen tau hol uu se yóm tahu Dwata, abay se yóm syudadem ne yó kem tauhem són kóm boluy yóm nwit le.”

Kem Lingón 12:1

Tnóbóngem ou, Dwata, abay se laen dù bud tau tonem mimón kóm, ne deng le lana yó kem tau gsalig.

Kehewà 34:9

Yó monen, “Ó Dwata, ke tahu hyu se nawam ebéléu hkoduhe béléem, holi mung kum. Tey mgel kulu le ni kem tau mung do ni, okóm hol hnifótem mi bè kdê yó kem salà nmò me ne hol henmóyóem mi mò kóm tau.”

Juwél 2:17

Yó kem tau gel blóng ebè Dwata, mdà le lem blóng yó kem tau ne yóm gónó demsù ebè Dwata igò le mkik. Yó hni le, mon le, “Ó Dwata, hol knoduhem mi yó kem tauhem. Béem nmò mi tau mò sendekà yó kem tólóng tau bè dumu benwu ke mon le, ‘Na, nô se Dwata le du? Déke là gbeken tmóbóng kul.’ ”

Amus 4:9

“Denge se hemwit yóm tey lenos alì kinì anì gotu menes yó kem hulu ye. Ne bud wen dumu hwitu mò hemsidek kul. Ne gotu ken tlangas yó kem hulu ye ne yó kem lefà grép ye ne yó kem koyu fig ye ne yó kem koyu ulib ye. Ewenem sana là kóyô ye semfulék ebéléu,” mon Dwata.