Amus 6:3 - Udél Dwata: Gna Kesfasad ne Lomi Kesfasad

³ Móyón kól yóm kdaw kegtafak ye, okóm balù udì ke olò hendem ye yóm kdaw yó. Okóm lemwót bè yóm sidek gel nmò ye gónón kendel hto yóm kdaw yó.

Amus 6:3 Referans Kwoze

Amus 9:10

Tódô kdê yó kem tauhu tendo gel mò salà, angat le gotu matay bè sudeng. Lu se yó kem gel mon du, ‘Là kô wen gbunù tekuy.’ ”

2 Pitér 3:4

mon le, “Nô se yóm Jisas Krays du, igoen sem deng fmasad du kuy yóm bud kesfuléken? Là knahem du ne katay le yó kem tehe fù tekuy ekni. Bede efet nim kmoen ni laen kô dù ilihen yóm kebenwu lemwót bè hol kbuten tehe kedlimun Dwata du.”

1 Tisalunika 5:3

Ofo kul tô mon du yó kem tau, “Hyu ne ni. Deng tinof ne laen bud knikò tekuy.” Okóm tódô mekto sut bélê le yóm tey glumfak le. Tódô le gotu ktut, lómón kektut yóm libun kmuleng blututen, ne là kô wen lan le hemlóy du snéen.

Matyu 24:48

Là, ke yó mefet bè nawahen yóm tau mò nmò yó, ke mom monen, ‘A, legen he ni kkólen yóm gónóhu mogot.’

Amus 3:10

Yó udél Dwata, monen, “Ni kem dou tau ni, là hulung le mò du yóm tedeng. Deng tódô hennok le yóm gónô bong yóm kimu hennagaw le ne hnugus le.

Deng Hegfan 18:17

Tek sotu urasen deng sana lana béléen yóm tey kendengenen yó.” Ne kdê yó kem tau mit kafal gel lemulón hbalù, ne yó kem tau gel smakay kafal, ne yó kem tau mò nmò bè yó kem kafal, ne yó kem tau hembalù mifal mohin, gotu le mdà hlayuk,

Amus 6:12

Yóm kudà, gbeken kô legidù lem botu? Gbek tau kô hdadu safì lem mohin? Nungel. Okóm lómón yó se kungel ye, deng mom nmò ye mò gónó milu yóm kukum tedeng ne deng mom nmò ye sidek khééten yóm tedeng.

Amus 5:18

Angat hatay ye kuy, kem tau tendo hemdón yóm kun kdaw Dwata. Tedu se angat guta ye du yóm kdaw yó? Yóm kdaw yó kdaw kmifu, sundu layag du.

Amus 5:12

Abay se deng gotu tngónu yóm alì kwen yó kem salà ye ne gotu tngónu yó kem dumu sidek gel nmò ye. Gel hen-gnok ye yó kem tau tedeng kmò le, lel ye gel ma mò wa nawa ye ne gel henseng ye bè kukum yóm kul ktahu yó kem tau élél.

Kem Lingón 94:20

Laen kô dù kóm du, Dwata, yó kem tau mogot kukum là tedengen, yó kem tau heswì le kogot le kukum.

Amus 3:9

Ni mò eles heglalag ye bè yó kem tau malak bè Idyip ne bè syudad Asdod, mon ye mò kul, “Hol ye stifun bè yó kem bulul bè Samarya, tenngel ye yóm tey kesbewegen bè yóm benwu yó ne yóm tey kmò le sidek lemen yó kem tau Israél bè yó.”