Amus 5:2 - Udél Dwata: Gna Kesfasad ne Lomi Kesfasad

² “Deng btang ne Israél, yóm sawang libun ne là buden gebtik. Deng gbayà, tódô masà bè tonok, laen kô dù bud hdà du.”

Amus 5:2 Referans Kwoze

Jirimaya 14:17

Yó hmò Dwata dou, htulónen dou bè yó kem tau yóm tey sidek klangagu, monu, “Hol tódô senflósen kdaw ne kifu he yóm klel lewoku. Hol là skasen he yóm tendo kkiku yó kem dou tau yóm tau hol kenbong nawahu, yakà dengen tey nelem halì le lan le tembek kul yó kem hohon le ne là kô le mowil du.

Amus 9:11

Yó udél Dwata, monen, “Bè yóm kdaw yó, angat bud hen-gulék hdau yóm tehe kun nogot Dabid. Yóm kmoen ni, yóm benwu nogot Dabid yó, hol lómón ke yóm gónô deng gbà, okóm angat bud hdau yó kem bengen ne bud huléku yóm tehe tey keklóónen.

Amus 8:14

Yó kem tau gel smafà hlan le bè boluy yó kem dwata lennged bè Samarya, yóm gel mon du, ‘Hlanu bè kun klowil yóm dwata Dan,’ duhen ke mon le, ‘Hlanu bè kun klowil yóm dwata Birsiba,’ yó kem tau gel mon du yó angat le gotu masà, là kô le bud gebtik.”

Husiya 14:1

Ó kem tau Israél, géhél ye bud semfulék ebè yóm sana kuy Dwata hol gónó mogot, yakà deng ye gotu meglà lemwót bè yó kem salà ye.

Husiya 6:2

Ke deng lewu duhen ke tlu kdaw, angat bud hnomihen tekuy anì hlós tekuy nô bè soluhen.

Jirimaya 31:4

Angat bud hdau yu kem tau Israél. Lómó ktonu kuy hol lómón ke tolo ye sawang libun béléu. Angat bud nogot ye yó kem tamburin gel nuni ye anì bud ye hligal madal.

Jirimaya 18:13

Yó bud udél Dwata, monen, “Snólókem yó kem tau bè dumu benwu ke deng wen tehe gefet bélê le lómón nim ni? Deng tey sidek yóm kul nmò yó kem dou tau Israél yó, kem tau hol nofinu. Lómó kegnómu kul lómón ke hanà le sawang libun.

Jirimaya 2:27

Deng le gotu menmà bè yóm dwata lenbù nmò le bè koyu ne menyê le bè yóm sotuhen nmò le gu bè botu. Deng knogol le ou, okóm ke wen gfà le, bud le hkodu béléu anì lenwau lu.

Isaya 43:17

Hlanen elemen yó kem tey sendalù wen lemwót bè Idyip ne yó kem kudà le demyol klitun tók ne bè yó gónón gemlà kul. Gotu le lemneb lem mohin, balù sotu ke wen mowil bélê le. Lómó kmoen kul lómón ke hmatay nóng solok.

Isaya 37:22

Yó monen mò du, “Yó udél Dwata ebè Sinakirib yóm tau hol geta bè Asirya, monen, Ó Sinakirib, tey kkuli le kóm yó kem tau bè Jirusalim ya tey kehnê le kóm.

Isaya 14:21

Yake nbut le ni ne hmatay kul yó kem fes lówóhem yó. Yó kem ngaen logi yóm tau hol geta yó, angat le matay lemwót bè salà yó kem tehe fù le. Laen dù bélê le baling mogot benwu, duhen ke fen hemdà syudad.

2 Bok Kem Tau Hol Geta 17:16

Deng gotu kenbê le yóm kdê hlau yóm sana kul Dwata hol gónó mogot, mo le mom mò lewu safì lennged mò dwata le, ne wen hdà le hehek botu ilô yóm dwata libun boluyen Asira. Lel le tmaba ebè Baal ne ebè kdê yó kem blotik ton le bè longit.

Jirimaya 9:9

Mone là tnafaku kul kô bè yóm nmò le ni? Mone là angat bnelesu kul kô ni kem tau lómón ni kmò le?” mon Dwata.

Jirimaya 9:21

Deng kól lem gónô tekuy ne yóm hatay lanen tembó beng. Dalang se ebè gónô bong yó kem tau mogot benwu deng kól lemen hatay. Deng kól bè yó kem ngà tekuy, là bud le là mdengen bè yó kem lan. Ne yó kem logi lomi lemnok, là kô le bud gel stifun lem fedyan, abay se deng kól lem blóng le hatay.”