Amus 5:1 - Udél Dwata: Gna Kesfasad ne Lomi Kesfasad

¹ Ó kem tau Israél, ni mò hnungol ye. Hol hnungol ye yóm lanuhu bélê ye.

Amus 5:1 Referans Kwoze

Jirimaya 9:17

Yó udél yóm Dwata laen dù là gbeken du, monen, “Hol hendem ye dé yóm móyón gefet bè benwu ye. Hangay ye lu edini yó kem libun gel lemanu bè matay, yó kem libun alì hulung mò du.”

Jirimaya 9:10

Yó bud udél Jirimaya, monen, “Lenangagu yó kem bulul ne lenangagu yó kem bnes gel nótób ógóf, abay se deng le gotu mékéng laen dù bud mótób kul. Là bud gungolem kul ne yó kem udél safì. Yó kem onuk koyu ne yó kem ógóf lem bnes, deng le gotu hlayuk.”

Jirimaya 7:29

Ó kem tau Israél hol ye hlangag dé, hetbulud ye mò gónó ye hegfan du yóm klangag ye. Lemanu ye ta yó kem bulul, yakà deng kenbê Dwata kuy, yu kem tau tolo mowil nim kmoen ni. Deng tódô bayaen yu, yu kem tau hebut du.’ ”

Mika 2:4

Bè yóm kdaw yó, angat senkuli le yu yó kem hohon ye ne utóm le lingón yóm deng gfà ye, mon le, “Deng me gotu sulék meglà. Deng gotu nwa Dwata tonok me. Yó kem dnadu me, deng gotu blayen ebè yó kem tau megef kum.”

Amus 5:16

Duhen yó, ni se udél yóm Dwata laen dù là gbeken du, monen, “Angat wen mngawóy bè yó kem plasa le ne mkik bè kdê yó kem lan lem syudad. Balù yó kem tau mò hulu, tódô tnaba le lu mò modung, slomong le bè yó kem tau gel bnayad mò modung.

Amus 4:1

Ni mò hnungol ye, yu kem libun bè Samarya, kem libun alì mabù lómón tô safì alì metlomò bè benwu Basan. Yu se yó kem libun alì hemsidek yó kem tau wen gónó le élél ne hemgnok yó kem tau laen dù gónó le ma. Són yó nmò ye gel dók ye tuha logi ye, gel mon ye, “Budi mit ebélê me yóm mò ninum me.”

Amus 3:1

Ó kem tau Israél, yóm sotu kmuleng deng tehe nwit Dwata hewà gu bè Idyip, hol hnungol ye yóm udélen ebélê ye, yó monen,

Jirimaya 9:20

Yó bud udél Jirimaya, monen, “Yu kem libun, hol hnungol ye yóm kun udél Dwata, hol henklingu ye yóm udélen ebélê ye. Tolok ye lu langag yó kem ngà ye libun ne bud tolok ye lu lemanu yó kem wè ye.

Jirimaya 9:9

Mone là tnafaku kul kô bè yóm nmò le ni? Mone là angat bnelesu kul kô ni kem tau lómón ni kmò le?” mon Dwata.

Jirimaya 18:13

Yó bud udél Dwata, monen, “Snólókem yó kem tau bè dumu benwu ke deng wen tehe gefet bélê le lómón nim ni? Deng tey sidek yóm kul nmò yó kem dou tau Israél yó, kem tau hol nofinu. Lómó kegnómu kul lómón ke hanà le sawang libun.

Amus 8:14

Yó kem tau gel smafà hlan le bè boluy yó kem dwata lennged bè Samarya, yóm gel mon du, ‘Hlanu bè kun klowil yóm dwata Dan,’ duhen ke mon le, ‘Hlanu bè kun klowil yóm dwata Birsiba,’ yó kem tau gel mon du yó angat le gotu masà, là kô le bud gebtik.”