Amus 4:8 - Udél Dwata: Gna Kesfasad ne Lomi Kesfasad

⁸ Yó nmò yó kem tau, tódô ket le benwu malu mógów na le e mebel él ninum, okóm là kóen kóyów yóm él ton le. Ewenem sana là kóyô ye semfulék ebéléu,” mon Dwata.

Amus 4:8 Referans Kwoze

Amus 4:6

Yó bud monen, “Ou se yóm tehe heglumfak bitil bong bè ket syudad ye. Ewenem yó he sana là kóyô ye semfulék ebéléu,” mon Dwata.

Hagay 1:6

Tey bong bnék gel hla ye, okóm tek udì guta ye du. Wen se gel ken ye, okóm là kóen kóyów ne là kô ye gemtu du. Wen se gel ninum ye, okóm bud là se kóyówen. Wen se gel nes lesek ye, okóm sana gel ketnaw ye. Ne yóm tau gel mò nmò, là kóen kóyów yóm gel gutahen mò lowil le.

1 Bok Kem Tau Hol Geta 18:5

Yó mon Ahab mò ke Ubadaya, “Nauy te yóm kdéen sfut él ne kdéen sbong, hnénég te ke wen kem ngà bnesen anì mowil le yó kem dumu kudau ne kem kudà asnuhu.”

Jirimaya 23:14

Okóm nim kmoen ni, milud he ksideken yóm kul gel nmò yó kem tugodu bè Jirusalim. Ndà le yehen le ne deng knalam le yóm kmò le kéng. Deng mom genduf le yó kem tau gel mò sidek anì là tenflok le du yóm kmò le sidek. Yóm ksidek nmò le yó mkél bè yóm tehe kul ksidek nmò yó kem tau bè Sodom ne Gmura.”

Husiya 11:5

Okóm lemwót bè yóm là kóyô le semfulék ebéléu yó kem dou tau, yó gónó le angat bud semfulék ebè yóm tehe keghesek le lómón yóm deng glan le bè Idyip, ne yóm tau hol geta bè Asirya angat mogot kul lemwót bè yóm alì kmò le sidek.

Hagay 2:17

Hbelu tey lenos kinì ne hetbóhu bulók kulón eta yó kem hulu ye anì sidek. Okóm baluen ke lómón yó kmoen, là kô ye dog hegsel.