Amus 4:4 - Udél Dwata: Gna Kesfasad ne Lomi Kesfasad

⁴ Yó ne, henlel ye mógów ebè Bétél anì bud ye mò salà. Ne bud ye mógów ebè Gilgal anì bud temnù yóm kegsalà ye béléu. Ket hlafus ye demsù ditu ne ket blóngen tlu kdaw nwit ye yóm gesfoloen gel bad ye.

Amus 4:4 Referans Kwoze

Husiya 4:15

Balù yó ne yóm benwu Israél lómón ke libun hdóyón, là teneben béléu, olon se benwu Juda ne ke hol béen abay gbót mò du kun yóm yó. Bê ye abay mógów ebè Gilgal bè benwu Israél duhen ke bè Bét-abén ke tô tnaba ye o bè yó. Ne bê ye abay gbót smafà ditu ke mon ye, ‘Mlan bè boluy yóm Dwata mowil’ abay se olon te kulit yóm nmò le yó.

Matyu 23:32

Yó ne, henfu ye yóm nmò tehe nbut yó kem tehe fù ye, yóm là deng gdeng le du.

Amus 5:5

Bê ye abay bud mógów ebè Bétél ne ebè Gilgal duhen ke ebè Bér-siba ke na ye e demsù ditu. Abay se yó kem tau bè Gilgal, angat gotu negef le lu mayuk ne yó kem tau bè Bétél, angat le gotu meglà.”

Mark 14:41

Bud lemwót Jisas na a bud mni bè Dwata. Bè yóm getluhen dulék mulék ebélê le, monen mò kul, “Tolo lel ye he kô tungô ne hegnô? Geblaen ne. Deng duhen ni ne yóm urasen. Ngem ni ne kekfô le du yóm Ngà Tau, ne blay le elem tdok yó kem tau sidek nmò le.

Mark 5:5

Tódô senflósen kdaw ne kifu tendo mógów sembeweg gu lem blóng yó kem lebeng ne gu lem bulul. Tódô gel hendlaen lemangat, lelen gel migad du bè knóen yó kem botu telem efet hnalì.

Amus 3:14

“Bè yóm kdaw bang ktafaku yó kem tau Israél bè yó kem sidek deng gel nmò le, angat gotu genbau yó kem gónó le gel demsù bè Bétél. Yó kem hanga yóm gónó le gel demsù, angat gotu kenleng ne gotu btang ebè tonok.Angat gotu genbau yó kem tey gónô tilob hdà yó kem tau wen kendengen le, yóm gónô gónó le nô bè yóm bulónen tnaw ne yóm gónô gónó le nô bè yóm bulónen kinì. Gotu genbau yó kem gónô alì tilob klóónen. Kdê yó kem gónô lembang deng hdà le, angat gotu genbau. Ou se Dwata nim mudél ni.

Kehedem Tau Tmolok 11:9

Ó ngà logi lomi lemnok, holi hligal bè yóm igoem hanà tolo lomi tau. Hol hnigalem yóm klowilem ket kdaw. Nmoem yóm kóm kóyô, ne hotuhem gelem mò du yóm kdéen. Okóm hol béem abay klifót, angat snolò Dwata béléem kdê yó kem deng nmoem.

Matyu 26:45

Ne bud mulék ebélê le, ne monen mò kul, “Tolo lel ye he kô tungô ne hegnô? Ngem deng kól du ne yóm uras le kemfô du yóm Ngà Tau, ne blay le elem tdok yó kem tau sidek nmò le.

Dwata 26:12

Bè ket getluhen halay, hol blay ye yóm gesfoloen gel bad ye ke Dwata bè kem hulu ye bè yó kem sfu Libay ne bè yó kem tólóng tau menwu lem blóng ye ne bè yó kem ngà hikit ne bè yó kem libun bolu. Yó gónó ye mò du nim ni, anì yó ket tau bè ket benwu ye wen kun gónó ma mò ken le. Ke deng nmò ye nim ni,