Amus 4:3 - Udél Dwata: Gna Kesfasad ne Lomi Kesfasad

³ Kteng le yu ebè yóm gónón gbà beng bè syudad ye, omin le mbot kuy ebè lewà. Ou se Dwata nim mudél ni.

Amus 4:3 Referans Kwoze

Matyu 16:26

Anien he yóm tau ke gotu gfunen klamangen benwu, laen kô dù ofolen du yóm deng gfunen yó ke lana béléen yóm klowil laen dù sónen. Ke lana béléen yóm klowil yó, laen kô dù bud gónón ma du yóm mò tlesen.

Sifanaya 1:18

Bè yóm kdaw alì kebut Dwata kul yó, laen kô dù lanen lemwà kul yó kem blówón bukay le ne yó kem tahu blówón le. Yóm kebut Dwata kul yó hol lómón ke ofi, angat gotu kenen yóm klamang tonok. Angat kendel nmoen són le yóm kdéen tau talak tonok.

Isaya 31:7

Angat kól yóm kdaw gotu kbot ye du yó kem dwata lennged nmò ye gu bè blówón bukay ne gu bè tahu blówón.

Isaya 2:20

Bè yóm kdaw yó, tódô gotu bot le yó kem dwata lennged lenbù nmò le gu bè tahu blówón ne bè blówón bukay. Tódô gbayà bè yó kem ungé ne bè yó kem kebeg.

2 Bok Kem Tau Hol Geta 25:4

Ominen deng wen genbà yó kem sendalù Babilun bè beng yóm syudad yó. Lemwót bè yóm keslibut le du, yó gónó Sidikaya mlóy kifu, mung du yóm kdê sendaluen, mlan le bè gónó le mò hulu etu bè bak tikeb yóm lewu beng sdà hmilol Jirusalim, tô le mlóy etu bè Datal Jurdan.

2 Bok Kem Tau Hol Geta 7:15

Ngang le mógów yó kem tau dók le yó koni efet le kól ditu bè Él Jurdan. Bè yóm igò le mógów ton le bè bak lan yó kem nes ne yó kem ngom gbot yó kem tau Aram bè yóm alì klóy le lan Dwata hfungol du kul uni yó kem sendalù kemtes kul. Omin le bud semfulék yó kem tau hógów le yó koni, gotu tulón le bè yóm tau hol geta yóm deng ton le.

Kmukum 5:17

Lemwót yó kem tau Gilyad nô fi dmata kdaw Jurdan, deng le mom tebel se kul. Ne yó kem ból Dan, moen du ke tebel le bè yó kem kafal le? Ne yó kem kun ból Asér, mom le tebel bè kilil mohin, là mógów le.

Jirimaya 52:7

Yó deng nmò yó kem sendalù Babilun, wen gónó le gembà du yóm beng hmilol Jirusalim anì gusek le elemen. Yó atul yó kem sendalù Juda gotu le hewà lem Jirusalim yóm kdê le, okóm là kô le tagad mlóy ke là dengen kifu, abay se deng gotu snibut yó kem sendalù Babilun yóm syudad le. Yó lan le bè bak tikeb yóm lewu kem beng sedà sentu gónón mò hulu yóm tau hol geta, tô le mlóy etu bè Datal Jurdan.

Amus 6:7

Yó gónóm mon, angat yu hol gna negef le ebè benwu mayuk. Angat gesón ne yóm kehguluk ye.