Amus 4:2 - Udél Dwata: Gna Kesfasad ne Lomi Kesfasad

² Deng safà yóm Dwata hol dandónen geta hlanen bè yóm tey klaen dù belenen, monen, “Angat kól yóm kdaw hegef le kuy mayuk, lómón kmò le kuy ke gkebeng ye bè dulé. Hol lómón kekteng le kuy utón él tawan dulé yóm ket kuy sotu.

Amus 4:2 Referans Kwoze

Kem Lingón 89:35

Deng tehe wen fasadu ke Dabid hlanu bè dou boluy, ne là kô tenlesu du. Laen kô kéng nmou bè Dabid.

Amus 6:8

Yó eles safà yóm Dwata hol dandónen geta hlanen bè boluyen, yóm Dwata laen dù là gbeken du, monen, “Tey kenbéu yóm alì kehegeta le knô yó kem tau Israél. Tey sidek matahu mton du yó kem gónô lembang tilob hdà le. Angat gotu blayu elem tdok yó kem hohon le yóm syudad le ne kdê yó kem nô lemen.”

Isaya 37:29

Deng gefet béléu yóm alì kebutem do ne yóm alì keheklabakem. Ne ni wen nmou béléem. Hol lómón ke wen dulé kebengu bè ilungem ne nmou kakangem anì bud benklilu u mulék, hlanu u bè yóm lan tehe loloem bè yóm kógówem edini.”

Amus 8:7

Deng safà Dwata yóm Dwata gónó le gsalù yó kem tau Israél, monen, “Là kóen mkó bè nawaw yó kem sidek gel nmò le.

Kem Lingón 89:36

Yó tehe fasadu du, tendo gel wen semfu gu béléen, ne tendo bnenteyu yóm kogot le benwu bè yóm igoen tolo wen kdaw.

Isikél 34:16

Angat bud nebelu lu yó kem deng lana, nwitu lu semfulék yó kem deng tabag. Bnausu ke wen tfok bélê le ne hekgisu yó kem lunog. Okóm yó kem deng mabù ne kemgis bélê le, gotu genlau lu. Ou se yóm semgyok ubiha tedeng kkukumen.