Amus 4:12 - Udél Dwata: Gna Kesfasad ne Lomi Kesfasad

¹² “Yó gónóm mon, kem tau Israél, angat bud wen he sidek nmou bélê ye. Lemwót bè yóm angat nmou bélê ye ni, kem tau Israél, eles ye htifes bè yóm angat kdà ye bè solu yóm Dwata ye.”

Amus 4:12 Referans Kwoze

Matyu 24:44

Duhen yó, eles tendo ningat ye yóm bud kkólen elem blóng ye yóm Ngà Tau, abay se kulel angat kkólen bè yóm uras là gingat ye du.”

Matyu 5:25

Sotuhen,” mon Jisas, “ke wen tau kmamo kóm, ne tô nwiten u bè yóm gónô skukum, tnanahi mit sefyu béléen gu laanen là deng gefet bè yó. Abay se ke dengi kól bè yó, ngem kà nwiten kóm ebè yóm tau gel fen hemdeng kmukum kuy. Ne lemwót kun, blayen u bè fulis mò bmanggù kóm.

Husiya 13:8

Lómón kmò ksék yóm bér ke nwa le béléen kem ngaen, lómón yó se kséku kuy. Naw gotu somok yu lómón ksomok liyun sok bitil.

Deng Hegfan 3:3

Hol bud nulék ye yóm deng tehe gna gungol ye bè yóm tehe tolok le kuy ne hol hentahu ye. Hol nimón ye dé, ne hol knogol ye yó kem salà ye. Ke là hetngón ye, tódô kentutu yu lómón ksut yóm tau mnagaw, là kô tngón ye du yóm kdaw ksutu.

Amus 2:14

Balù yó kem tau alì hlóng mlóy bélê ye, là kô le angat gewà. Yó kem tau alì kemgis bélê ye, deng le mom baling lenmek. Ne yó kem sendalù deng hónô sfatay, balù kul knô là kô gbek le lemwà du.

Isaya 32:11

Efet ni, tey mahil klowil ye ne laen dù tnafa nawa ye. Okóm angat sut bélê ye yóm ksidek klikò ye botong ye kenkel. Kó ye yó kem nes tilob lesek ye, tódô ye lemsek nes sakù.

Isaya 64:2

Lómó ksinsig le lómón ke él kmodok ta yóm tey ofi. Géhéli ne, hegfanem kfasangem bè yó kem hohonem. Hetbolem kkel le bè soluhem yóm kdéen tau bè klamangen benwu.