Amus 4:1 - Udél Dwata: Gna Kesfasad ne Lomi Kesfasad

¹ Ni mò hnungol ye, yu kem libun bè Samarya, kem libun alì mabù lómón tô safì alì metlomò bè benwu Basan. Yu se yó kem libun alì hemsidek yó kem tau wen gónó le élél ne hemgnok yó kem tau laen dù gónó le ma. Són yó nmò ye gel dók ye tuha logi ye, gel mon ye, “Budi mit ebélê me yóm mò ninum me.”

Amus 4:1 Referans Kwoze

Kem Lingón 22:12

Deng snibut le ou yó kem hmohon dou, hol lómón ke safì le tudu. Gotu snibut le ou, hol lómón ke safì le tudu alì lóbô lemwót bè benwu Basan.

Amus 6:1

Hatay ye kuy, kem tau mahil klowilen bè Sayun. Hatay ye se kuy, kem tau bè Samarya. Ofo kuy ke menek kbenwu ye, okóm là. Hatay ye se kuy, kem tau gónó le gel galak yó kem tau Israél, yu kem tau gónó le gel mni tóbóng yó kem dumu tau Israél.

Amus 5:11

Gel ndà ye yó kem tau élél ne hennagaw ye yó kem ngà nuta le lemwót bè yóm dê hbayad ye kul. Yó gónóm mon là kô ye na a gnô lem yó kem gónô botu alì tilob deng hdà ye. Là se ginum ye du yóm tifas grép lemwót bè yó kem tey tilob gónó ye hmulu kul.

Malakay 3:5

Yó udél yóm Dwata laen dù là gbeken du, monen, “Angate sut elem blóng ye naw e knukum yu. Ne henmung tenksiu yó kem tau demwata ne yó kem tau mdà yehen ne yó kem tau tmifù kéng ne yó kem tau là tedeng ksukéy le yó kem tau mò nmò bélê le, ne yó kem tau hen-gnok le yó kem libun bolu ne yó kem ngà hikit ne yó kem tólóng tau menwu lem blóng ye. Tenksiu yó kem tau mò du yóm yó abay se hono tau laen dù klikò le dou,” udél yóm Dwata laen dù là gbeken du.

Juwél 3:3

Wen atù gel nmò le mò gónó le temngón du ke mahi du bè yó kem tauhu yóm mò hesek le. Gotu senswa le yó kem ngà logi mò bayad le yóm libun hdóyón, dalang se yó kem ngà libun hbalù le mò bli le yóm ninum lemengel.

Jirimaya 7:6

Tenflok ye ne smukat yó kem tólóng tau nô lem blóng ye dalang se yó kem ngà hikit ne yó kem libun bolu. Tenflok ye ne hmatay kul yó kem tau laen dù salà le. Tenflok ye ne tmaba ebè yó kem dumu dwata, abay se yó yóm hemsidek knô ye.

Isaya 58:6

Ni dii yóm kmò kfasting nóyóu. Hewà ye yó kem tau tódô blanggù laen dù salà. Ne bê ye bud hen-gnok yó kem tau mò nmò bélê ye. Hol henyu ye kmò ye ebélê le ne blay ye kul yóm deng leniteg le.

Kem Lingón 140:12

Okóm tngónu angat dohò tnóbóng Dwata yó kem tau alì hensidek le, angat nfihen yó kem tau élél.

Kem Lingón 12:5

Yó balà Dwata kul, monen, “Deng tonu yóm alì klunog le yó kem tau laen dù gmò le. Deng gungolu dolong yó kem tau élél hnayam le. Duhen yó, lemwóte naw e lenwà lu, ni se yóm tendo hendeen le béléu.”

Dwata 28:33

Angat gotu nwa yó kem tólóng tau yó kem hulu alì leniteg ye, laen dù guta ye se kuy. Mom hen-gnok le yu ne hensidek le yu.

Isikél 18:12

gel hen-gnoken yó kem tau élél ne là dog gel huléken yóm kimu sandà le béléen, gel tmaba ebè yó kem dwata kéng ne tendo gel slomong bélê le mò yóm gónó myak.

Amus 6:6

Minum ye tifas grép lem tukung ne lunol ye bè lówó ye yóm hboo alì minggel boohen, okóm là kô dog knangag ye du yóm móyón keglà yó kem tau Israél.

Lista 21:33

Omin le bud semyat yó kem tau Israél, lolò le yóm lan mógów ebè Basan. Bè yó bè Basan wen tau hol geta bè yó boluyen Ug. Yó nmoen, gotu nwiten yó kem sendaluen na le e nundug yó kem tau Israél bè yóm benwu boluyen Idri.

Kem Udél Hlalak Tehe Selumun 22:7

Yóm tau mdengen, knamalen yóm tau élél ne yóm tau mutóng hesek yóm tau hemdóm.

Isaya 28:1

Tey kamaen yóm benwu Israél, deng golu elem hatay ne. Deng menes ne yóm któtólen lómón kenes yóm bulók gel suub le bè kulu yóm tau gel malak kul, yó kem tau sónmò le gel hlengel. Tey keheklabak le. Wen tey tilob hboo gel sù le bè kulu le, okóm tódô le kem masà bè yó tey sidek klengel le, là bud le temngón.

Isikél 34:16

Angat bud nebelu lu yó kem deng lana, nwitu lu semfulék yó kem deng tabag. Bnausu ke wen tfok bélê le ne hekgisu yó kem lunog. Okóm yó kem deng mabù ne kemgis bélê le, gotu genlau lu. Ou se yóm semgyok ubiha tedeng kkukumen.

Amus 3:1

Ó kem tau Israél, yóm sotu kmuleng deng tehe nwit Dwata hewà gu bè Idyip, hol hnungol ye yóm udélen ebélê ye, yó monen,

Amus 3:3

Gbek le slomong mógów kô yóm lewu kem tau ke là deng eles sentngón le du gna yóm gónó le e solu?