Amus 3:8 - Udél Dwata: Gna Kesfasad ne Lomi Kesfasad

⁸ Ke mngel yóm liyun, tau du de tô là likoen? Ke mudél yóm Dwata hol dandónen geta, tau du se là tmugod du yóm udélen?

Amus 3:8 Referans Kwoze

Kul Nmò 4:20

Là kô gbek me temflok tmulón du yóm deng ton me ne yóm deng gungol me.”

Amus 3:4

Gel mngel gu lem dlag kô yóm liyun ke là deng tonen du yóm kenfóen? Ne yóm ngà liyun, gbeken mngaw lem solen kô ke là deng wen kenfóen?

Jirimaya 20:9

Okóm ke monu tódô klifótu ne Dwata ne laen dù bud tulónu mlan bè boluyen. Yó mò do yóm udélem bnosu lem hendemu, hol lómón ke ofi mken lem but blututu ne mken lem tiolu. Là bud gafasu du ne ke là tulónu du yóm htugodem dou.

Amus 1:2

Ni se kmò ktulón Amus du yóm deng tonen ne yóm deng gungolen, monen, “Yóm udél Dwata gu lem yóm Gónóen bè Bulul Sayun, hol lómón ke ngel liyun ne hol lómón ke lemték lemwót gu bè Jirusalim. Bè yóm kudélen yó tódô baling mékéng yó kem gónó gel hótób ubiha ne gotu menes yó kem bnes ta bulul Karmél.”

Deng Hegfan 5:5

Okóm wen sotu bè yó kem tau tuha mudél ebéléu, monen mò do, “Béi mom mkikem dé. Ngem wen yóm bnoluy le Liyun, yóm semfu gu bè yóm tehe Juda. Bud du se yóm hol tótól tehe semfu gu bè Dabid. Deng matù bè yó kem hmohon du, yó gónón gembek mkó du yó kem hitu dket yóm sulat lenulun yóó, ne gbeken se mból du.”

1 Kurin 9:16

Bè yóm gel kwitu du yóm Tulón Hyu, laen kô gónóhu hton salù du, abay se bè ktahuhen, wen fen hmò du dou. Hol là gbeku du ke là nmou du. Angat tey kegtafaku ke là nmou du.

Amus 2:12

“Okóm deng mom hinum ye yóm tau Nasirit yóm tifas grép ne deng mom mon ye bè yó kem tugodu bê le abay tugod yóm htugodu kul.

Kul Nmò 5:29

Yó balà le Pitér du, mon le, “Mom hyu nawa me mimón ke Dwata, olo ke tô nimón me udél tau.

Kul Nmò 5:20

“Bud ye mógów elem Gónô Dwata na ye e tulón bè yó kem tau yóm lomi klowil blay Jisas.”

Isaya 31:4

Yó udél Dwata ebéléu, monen, “Ke wen tau mentey ubiha, balù nô kehtéen du yóm liyun wen ubiha kenfóen, là kô nan e gbek tmebel du yóm deng kenfóen yó. Senged se béléu, yóm Dwata laen kô dù là gbeken du laen kô gembek hemseng dou bè yóm kofinu yóm bulul Sayun.

Jirimaya 26:12

Omin Jirimaya mudél ebè yó kem genlal ne ebè yó kem dumu tau nô bè yó, monen, “Dwata se yóm deng hógów dou mò tmulón du kuy yó kem deng gungol ye gbak bè yóm Gónóen ne bè nim syudad ni. Deng gotu htugod Dwata dou ket udél gungol ye.