Amus 3:4 - Udél Dwata: Gna Kesfasad ne Lomi Kesfasad

⁴ Gel mngel gu lem dlag kô yóm liyun ke là deng tonen du yóm kenfóen? Ne yóm ngà liyun, gbeken mngaw lem solen kô ke là deng wen kenfóen?

Amus 3:4 Referans Kwoze

Husiya 11:10

Angat wen kdawen ou se angat lolò yó kem tauhu. Bè yóm ktabahu kul, angate mngel lómón liyun ne gotu le mulék ebéléu yó kem tauhu mung du kkel le, lemwót le bè yóm benwu fi desdef.

Kem Lingón 104:21

Lemwót yó kem liyun lomi lemnok, gotu le mngel sok le mebel kenfô le. Hnebel le yóm ken deng tgama Dwata kul.

Amus 1:2

Ni se kmò ktulón Amus du yóm deng tonen ne yóm deng gungolen, monen, “Yóm udél Dwata gu lem yóm Gónóen bè Bulul Sayun, hol lómón ke ngel liyun ne hol lómón ke lemték lemwót gu bè Jirusalim. Bè yóm kudélen yó tódô baling mékéng yó kem gónó gel hótób ubiha ne gotu menes yó kem bnes ta bulul Karmél.”

Amus 3:8

Ke mngel yóm liyun, tau du de tô là likoen? Ke mudél yóm Dwata hol dandónen geta, tau du se là tmugod du yóm udélen?

Husiya 5:14

Angat gotu nmou bè yó kem tau Israél ne yó kem tau bè Juda yóm gel nmò liyun. Ou se tódô msék kul. Sok dyolu lu mayuk, laen kô gembek lemwà kul.

Amus 3:3

Gbek le slomong mógów kô yóm lewu kem tau ke là deng eles sentngón le du gna yóm gónó le e solu?

Amus 3:5

Bkó holot kô yóm onuk koyu ke laen dù fanen? Gbeken tódô bkó hkawang kô yóm holot ke laen dù bkóhen?