Amus 3:3 - Udél Dwata: Gna Kesfasad ne Lomi Kesfasad

³ Gbek le slomong mógów kô yóm lewu kem tau ke là deng eles sentngón le du gna yóm gónó le e solu?

Amus 3:3 Referans Kwoze

Tekang Kbuten 17:1

Timbow deng syóm folò syóm ne halay Abram, bud hegfan béléen Dwata ne monen mò du, “Ou se yóm Dwata laen dù là gbeken du. Hol tendo nimónem ou ne hol nmoem yóm tedeng.

Tekang Kbuten 5:22

Kogolen bè yó, bud metnù 300 halay Inuk ne tey tilob kesetngón le Dwata. Lem yó kem halay yó bud wen kem dumu ngaen.

Tekang Kbuten 6:9

Ni se kun tutul Nuwa. Nim Nuwa ni, wen tlu ngaen logi. Yó boluy le Sém ne Ham ne Jafit. Bè yóm kun kdaw Nuwa, tek són du yóm tau tedeng kton Dwata du ne tau tey hyu kmoen. Tey tilob kesetngón le Dwata.

Amus 3:2

“Bè kdê yó kem kmuleng talak tonok tek sónen yu yóm dou nélék. Yó gónóm mon là kô gbeku du ke là tnafaku kuy bè kdê yó kem sidek gel nmò ye.”

Amus 3:4

Gel mngel gu lem dlag kô yóm liyun ke là deng tonen du yóm kenfóen? Ne yóm ngà liyun, gbeken mngaw lem solen kô ke là deng wen kenfóen?

Amus 4:1

Ni mò hnungol ye, yu kem libun bè Samarya, kem libun alì mabù lómón tô safì alì metlomò bè benwu Basan. Yu se yó kem libun alì hemsidek yó kem tau wen gónó le élél ne hemgnok yó kem tau laen dù gónó le ma. Són yó nmò ye gel dók ye tuha logi ye, gel mon ye, “Budi mit ebélê me yóm mò ninum me.”