Amus 3:2 - Udél Dwata: Gna Kesfasad ne Lomi Kesfasad

² “Bè kdê yó kem kmuleng talak tonok tek sónen yu yóm dou nélék. Yó gónóm mon là kô gbeku du ke là tnafaku kuy bè kdê yó kem sidek gel nmò ye.”

Amus 3:2 Referans Kwoze

Dwata 7:6

Hol nmò ye nim ni, abay se yóm sana kuy Dwata hol gónó mogot mfun kuy. Bè yóm kdéen tau nô talak tonok, deng néléken yu mò hol kun tau.

1 Pitér 4:17

Deng hto ne yóm buteng Dwata kmukum tau, ne fen hegnahen yó kem tau nogoten. Ke nbuten bélê tekuy, mò kmoen se bè yó kem tau là mimón du yóm Tulón Hyu lemwót gu bè Dwata?

Dwata 10:15

Balù yóm tey kegeta Dwata ewenem yó, kem kuy fù he yóm kenbong nawahen. Ne yu se yó kem tau semfu gu bélê le deng néléken yu senta yóm kdéen tau nô talak tonok. Yu se yó kem tau deng néléken efet ni.

Sulat Pol Ebè Yó Kem Tau Hemtahu Bè Rom 2:9

Angat tey tendo keglayam le yó kem tau gel mò sidek, lenwóten bè yó kem Ju kkólen bè yó kem tau là Ju le.

Danyél 9:12

Deng dnohoem yóm deng tehe eles udélem eta me ne eta yó kem gónó me galak, duhen yóm kehwitem ebélê me yóm tey glumfak bong. Bè kdê yó kem dumu benwu dini talak tonok, laen dù bélê le deng gmumfak du he yóm glumfak Jirusalim ni.

Jirimaya 14:10

Yó udél Dwata gbak ebè yó kem tauhen, monen, “Tey kóyô le du yóm kehlayuk le béléu ne là bud lolò le du yóm dou lan. Yó gónóm mon, là kô bud henmóyóu kul mò dou tau. Gtulón nawaw yóm kdê sidek deng gel nmò le, naw na tnafak lu bè yó kem salà le yó.”

Jirimaya 10:25

Yóm kebutem, Dwata, hol kokem eta tu kem tólóng tau kembê kóm, tu kem tau là tmaba le ebéléem. Yakà deng gotu hnatay le yó kem tauhem. Deng gotu genlà le mi yóm kdê me ne deng gbà yóm kum benwu.

Jirimaya 9:25

Yó bud udél Dwata, monen, “Angat kól yóm kdawu tmafak yó kem tau deng htulì là tenles le du kmò le,

Jirimaya 1:15

Gotu tnabahu yó kem sendalù lemwót bè yó kem benwu fi bwak anì mógów le edini bè Jirusalim. Lemwót yó kem tau hol geta bélê le, angat gotu sù le bè yó kem bak tikeb nim syudad Jirusalim ni yó kem kul gónó myón kmamal. Angat gotu genbà le yóm beng hmilol Jirusalim ne nundug le yó kem dumu benwu glem lem Juda.

Isaya 63:19

Yóm kmoem ebélê me ni, hol lómón ke là uu du yóm gónó me gel galak lemwót bè kbuten. Hol lómón ke là tauhem kum lemwót bè kbuten.

Kem Lingón 147:19

Deng hetngónen ke Jakub yóm udélen, ne bè kem tau Israél gónón hetngón du yó kem hlauhen ne yó kem dumu hloloen kul.

Dwata 26:18

Kemdaw ni deng henmóyô Dwata yu mò hol kun tau, lómón yóm deng fasaden kuy. Yó hloloen kuy, hol nimón ye yóm kdê hlauhen.

Kul Nmò 17:26

Tek sotu tau nifil Dwata bè kbuten,” mon Pol. “Yó se gónón lemwót kdéen kay but tau. Hnóen lu bè klamang benwu nmoen. Eles tngónen snéen yó kem benwu gónón hemsù kul yó kem ket but tau, ne tngónen snéen yóm kegen le nô du.

Nahum 3:4

Yó buten yóm gfà Ninibi ni, abay se hol lómón ke libun hdóyón là tmakasen bè yóm gel nmoen. Alì heklóón, hol gónón smala imò mtud. Gotu le ghesek béléen yó kem dumu benwu mlan bè kehdóyónen. Ne mlan bè ktud imoen, gotu le ghesek béléen yó kem dumu tau.

Husiya 2:13

Angat tnafaku bè yóm deng kehtulahen do lanen gel mtem insinsu ebè Baal ne gel leketen yó kem ngom blówónen, ominen mebel kem logi hemdóyón du,” udél yóm sana Dwata hol gónó mogot.

Dwata 32:9

Yakà deng néléken du yó kem sfu Jakub mò kun nfun.

1 Kurin 8:3

Okóm ke bong nawahen ke Dwata yóm tau, yó se yóm tau hol dilô Dwata.

Tekang Kbuten 18:19

Deng néléku mò gel hmau yó kem ngaen ne yó kem fuen anì nimón le ou ne nmò le yóm tedeng. Ke mimón le, angat dnohou yóm deng fasadu ke Abraham.”

Dwata 4:32

Henkna ye dé yóm gnan kdaw, bè yóm kdaw gu laan ye là deng sut he, bè yóm tehe kdaw kifil Dwata tau mò nô te tonok. Hnénég ye dé yóm klamangen benwu. Deng wen kô sut lómón nim sut bélê tekuy ni? Deng wen kô mungol du nim lómónen ni?

Husiya 5:3

Ó kem tau Israél, gotu tngónu yóm kmò ye laen dù gebnos béléu. Deng ye mkél bè yóm libun hdóyón tnagaken yehenen. Deng ye gholu ne kem tau Israél.

Amus 2:4

Yó bud udél Dwata, monen, “Deng tendo sensulit le mò sidek yó kem tau bè Juda, là kô gbeku du ke là tnafaku kul. Deng kenbê le yóm hlauhu kul, là kô nimón le du. Deng nwiten lu tlas yó kem dwata kéng tehe hentahu yó kem fù le ekni.

Amus 3:3

Gbek le slomong mógów kô yóm lewu kem tau ke là deng eles sentngón le du gna yóm gónó le e solu?

Amus 6:1

Hatay ye kuy, kem tau mahil klowilen bè Sayun. Hatay ye se kuy, kem tau bè Samarya. Ofo kuy ke menek kbenwu ye, okóm là. Hatay ye se kuy, kem tau gónó le gel galak yó kem tau Israél, yu kem tau gónó le gel mni tóbóng yó kem dumu tau Israél.

Mika 2:3

Yó gónóm mon, ni se udél Dwata, monen, “Deng natulu ne yóm kehwitu ebélê ye hlayam mò balà yóm gel kehlayam ye yó kem dumu ye tau ne là kô ye gewà du. Ke deng gnóm ye yóm hlayam hwitu ebélê ye yó, là kô ye bud mógów heklabak gu bè lan.”

Kehewà 32:34

Lemwóti ne, nalakem yó kem tau ebè yóm benwu deng tulónu kóm. Hentulónem nawa wen hógówu gu bè longit mò tukô gna kóm. Okóm angat kól yóm kdawu tmafak kul ni kem tau ni lemwót bè yóm salà deng nmò le.”