Amus 3:1 - Udél Dwata: Gna Kesfasad ne Lomi Kesfasad

¹ Ó kem tau Israél, yóm sotu kmuleng deng tehe nwit Dwata hewà gu bè Idyip, hol hnungol ye yóm udélen ebélê ye, yó monen,

Amus 3:1 Referans Kwoze

Amus 2:10

Ou se tehe hewà kuy gu bè Idyip ne fat folò halayu malak kuy gu lem yóm benwu laen hol wen tauhen ne hfunu kuy yóm tonok yó kem tau Amurayt.

Mika 3:1

Ó kem tau malak bè Israél, ni mò hol hnungol ye. Igò sem yu du temngón du yóm kukum tedeng bè yóm là tedengen.

Husiya 4:1

Ó kem tau Israél, hol hnungol ye udél yóm sana Dwata hol gónó mogot. Deng wen duónen kuy yóm kdê ye nô lem yóm kuy benwu ni, monen, “Là teneb ye béléu, laen dù kesbong nawa nô bélê ye ne laen dù bélê ye deng temngón do bè benwu ye.

Jirimaya 31:1

Yó udél Dwata, monen, “Angat kól yóm kdawen bud ou se Dwata nulék yóm kdéen sfu Israél ne lu se yó kem dou tau.

2 Tutul Israél 20:15

Yó udélen bè yóm tau hol geta, monen, “Hmungoli, Jihusafat. Ne yu kem tau bè Juda ne kem tau bè Jirusalim, hol ye hmungol se kuy yóm kdê ye. Ni se udél Dwata ebélê ye, monen, ‘Hol bê ye abay hlikò. Hol bê ye abay hunu nawa ye bè yó kem tey genged sendalù yó, abay se Dwata mit kul sgida, là kô yu du.’

Deng Hegfan 2:29

Duhen yó, yóm tau wen klinguhen, hol hnungolen dé yóm tulón yóm Tulus Dwata bè yó kem tau bè ket simbahan.”

Husiya 5:1

“Ni hol hnungol ye, yu kem tau gel blóng ebè Dwata dalang se yóm kdéen tau Israél. Henklingu ye se kuy, kdê yó kem tau tbong tau hol geta hol hnungol ye yóm ukumu kuy ni. Deng ye megtuled ne yóm kdê ye lan ye mit kul gholot tmaba ebè yó kem dwata kéng ditu bè benwu Mispa ne bè benwu Tabur yó kem dumu ye tau Israél.

Isaya 46:3

Hol hnungol ye ou dé yu kem sfu tehe Jakub, yu kem dù tebel bè yó kem dou tau. Tey kesegyoku kuy tódô lemwót bè ksut ye.

Mika 2:3

Yó gónóm mon, ni se udél Dwata, monen, “Deng natulu ne yóm kehwitu ebélê ye hlayam mò balà yóm gel kehlayam ye yó kem dumu ye tau ne là kô ye gewà du. Ke deng gnóm ye yóm hlayam hwitu ebélê ye yó, là kô ye bud mógów heklabak gu bè lan.”

Sifanaya 2:5

Angat hatay ye kuy, kem tau Flistin nô bè kilil mohin bè benwu Kanan, yakà ebélê ye du snéen gónón e gbak nim kukum Dwata ni. Angat gotu genlà Dwata yu, balù sotu ke wen tebel bélê ye.

Amus 4:1

Ni mò hnungol ye, yu kem libun bè Samarya, kem libun alì mabù lómón tô safì alì metlomò bè benwu Basan. Yu se yó kem libun alì hemsidek yó kem tau wen gónó le élél ne hemgnok yó kem tau laen dù gónó le ma. Són yó nmò ye gel dók ye tuha logi ye, gel mon ye, “Budi mit ebélê me yóm mò ninum me.”

Amus 5:1

Ó kem tau Israél, ni mò hnungol ye. Hol hnungol ye yóm lanuhu bélê ye.