Amus 2:5 - Udél Dwata: Gna Kesfasad ne Lomi Kesfasad

⁵ Yó gónóm mon angat wen tey ofi hwitu ebè Juda ne gotu kenen yóm kdê gónó le gel heklung bè Jirusalim.”

Amus 2:5 Referans Kwoze

Jirimaya 17:27

Okóm, mon Dwata, ke là nimón ye do ne ke là hetfing ye du ebéléu yóm Kdaw Kehegnô ne ke mit ye hbalù mlan bè yó kem bak tikeb bè Jirusalim lómón yóm gel nmò ye bè yó kem dumu kdaw, angat gotu ntemu yó kem bak tikeb bè Jirusalim. Yóm ofi yó, ngangen mken efet kól bè gónô bong yóm tau hol geta mogot kuy ne laen kô dù gembek hmatay du.’ ”

Jirimaya 52:13

Yó nmò yóm kmandér yó, gotu ntemen yóm Gónô Dwata ne yóm gónô bong yóm tau hol geta mogot kul ne kdê yó kem dumu gónô bè Jirusalim. Gotu hegbaen snéen yóm kdê gónô lembang lem Jirusalim.

Jirimaya 39:8

Ne ditu bè Jirusalim, tódô gotu ntem yó kem sendalù Babilun yóm syudad yó, gomong yóm gónô bong yóm tau hol geta ne gotu genbà le yóm beng hmilol Jirusalim.

2 Bok Kem Tau Hol Geta 25:9

Gotu htemen yóm Gónô Dwata bè yó, ne yóm gónô bong yóm tau hol geta, ne kdê yó kem dumu gónô lem Jirusalim. Ket gónô lembang, gotu htemen.

Amus 3:11

Yó gónóm mon,” udél yóm Dwata hol dandónen geta, “angat gotu snibut yó kem hohon le yóm tonok le ne gotu genbà le yó kem tô seng le ne gotu nled le yó kem kimu henyu le lem yó kem gónó le gel heklung.”

Amus 3:15

Angat gotu genbau yó kem tey gónô tilob hdà yó kem tau wen kendengen le, yóm gónô gónó le nô bè yóm bulónen tnaw ne yóm gónô gónó le nô bè yóm bulónen kinì. Gotu genbau yó kem gónô alì tilob klóónen. Kdê yó kem gónô lembang deng hdà le, angat gotu genbau. Ou se Dwata nim mudél ni.”

Amus 7:4

Ominen wen bud htonen dou yóm Dwata hol dandónen geta, tonu deng eles wen ofi hentifesen mò tafaken yó kem tauhen. Yóm ofi yó, deng hektihen sokol mohin ne tolo lelen mken yóm klamang tonok.

Amus 1:4

Yó gónóm mon, angat wen tey ofi hwitu ebè yóm gónô bong deng hdà Hasaél, gomong kenen yóm kdê gónó le gel heklung deng hdà Bin-hadad yóm tau mò tlesen.