Amus 2:4 - Udél Dwata: Gna Kesfasad ne Lomi Kesfasad

⁴ Yó bud udél Dwata, monen, “Deng tendo sensulit le mò sidek yó kem tau bè Juda, là kô gbeku du ke là tnafaku kul. Deng kenbê le yóm hlauhu kul, là kô nimón le du. Deng nwiten lu tlas yó kem dwata kéng tehe hentahu yó kem fù le ekni.

Amus 2:4 Referans Kwoze

Hbakuk 2:18

Tedu se guta ye du yó kem dwata lennged nmò tau? Tey nungel yóm tau smalig bè yó kem nmò tdok tau. Tedu se mu ye hemtahu du yó kem lennged là mudél yó?

Isaya 28:15

Tey kehegmón ye du yóm deng keskotuk ye bè yóm hatay kun, anì là matay ye. Deng ye se skotuk yóm benwu yó kem tau deng matay kun, anì là gógów ye edu. Ofo kuy ke laen dù gmoen bélê ye yó kem tau mundug kuy. Són snalig ye yóm kéng ne sukat mò tô gónó ye gewà. Okóm là.

Sulat Pol Ebè Yó Kem Tau Hemtahu Bè Rom 1:25

Deng kenbê le yóm ktahuhen lemwót gu bè Dwata, mom hentahu le yóm kéng. Ne deng le mom tmaba ebè yóm kun deng dlimun Dwata, ne demsù le ebélê le. Là dog hentahu le du yó dum Dwata fen dmimun du yóm kentihen, igoen du he hol knóón ke là hotoken yóm kdóyón tekuy du.

Amus 3:2

“Bè kdê yó kem kmuleng talak tonok tek sónen yu yóm dou nélék. Yó gónóm mon là kô gbeku du ke là tnafaku kuy bè kdê yó kem sidek gel nmò ye.”

Jirimaya 9:14

Mom yó nmò le, hgel le kulu le ne tmaba le ebè yó kem dwata lennged boluyen Baal, yóm deng hlolò le kul yó kem tehe fù le.

Nihimaya 1:7

Tey sidek yóm nmò me béléem lemwót bè yóm là klolò me du yóm kdê hlauhem. Là kô dog nimón me du yó kem hlauhem kum tehe hlanem bè Musis yóm tau tóbóng lówóhem.

2 Bok Kem Tau Hol Geta 17:19

Senged se yó kem ktol Juda, là kô lolò le du yóm hloloen kul yóm sana kul Dwata hol gónó mogot, deng mom lolò le yóm nmò yó kem tau Israél.

1 Pitér 1:18

Tódô tngón ye se yóm tehe ksok Dwata kuy lem yó kem nmò laen dù muhen tehe dnalang ye bè yó kem tehe fù ye. Yóm ksoken kuy yó, là kô kem kimu wen són le yóm soken tekuy, lómón ke filak.

1 Tisalunika 4:8

Duhen yó, ke wen tau kembê du nim toloku kuy ni, là kô tolok tau du yóm kenbéen, kaem Dwata yóm bemlay tekuy yóm kun Tulus.

Husiya 6:11

Dalang se kuy kem tau bè Juda, deng bnutengu ne yóm ktafaku kuy lemwót bè yó kem sidek deng gel nmò ye.” Là gomongen bè nili yóm tsaptér 7 kól bè tsaptér 10. Yó tulónen bè ni kem tsaptér ni yóm kbólów Husiya yó kem tau Israél bè yóm ktaba le ebè yó kem dwata kéng, lel le bud demsù ebè Dwata. Yó mung bè yóm gel ktaba le ebè yó kem dwata kéng, gel le stungô bè yó kem libun hdóyón Baal, lel le gel hlengel. Yó mò kul yó kem tau Israél, lana bélê le yóm khulung le hedem. Bè yóm salà nmò le ni gónó Dwata alì tmafak kul. Angat heglaen yóm benwu le ne hegefen lu bè yó kem tau Asirya.

Jirimaya 6:19

Ó Tonok, hmungoli se kóm. Angat wen heglumfaku kul ni kem tau ni, ulék yóm sidek tendo gel nmò le, abay se là bud hnungol le dou ne kenbê le yóm deng hlolou kul.

Isaya 44:20

Yóm nmoen yóm tau yó, lómón ke mken kohù laen dù gónón mowil du. Ungel nmoen yóm yó, olon tmondo knóen. Laen dù lanem tmóbóng du yóm tau yó. Là kô dilóen du yóm koyu lennged nogoten, sundu tahu dwata du.

Nihimaya 9:26

Okóm yó kem tauhem, Dwata, là kô dog nimón le kóm, deng mom kenbê le uu. Knogol le yóm hlauhem kul. Tódô hnatay le yó kem tugodem gel tô mit kul semfulék ebéléem. Ne deng mom nmò le yó kem alì kenbéem.

2 Tutul Israél 30:7

Bê ye mkél bè yó kem fù ye ne bè yó kem dumu ye, deng mom tebel le Dwata yóm Dwata yó kem tehe fù le, ne deng tey ktafak Dwata kul, lómón yóm deng ton ye ni.

Amus 1:3

Ni se udél Dwata, monen, “Deng tendo sensulit le mò sidek yó kem tau bè Damaskus, là gbeku du ke là tnafaku kul. Tey alì kehsidek le yó kem dou tau bè Gilyad, lómó kmò le kul lómón yóm halay knusu bala tók.

2 Tutul Israél 25:14

Bè yóm kulék Amasaya gu bè gida gemmò bè yó kem tau Idom, nwiten mulék yó kem dwata lennged gel tnaba yó kem tau bè Sér. Nmoen lu mò dwatahen ne tmaba ne demsù ebélê le.

Jirimaya 17:27

Okóm, mon Dwata, ke là nimón ye do ne ke là hetfing ye du ebéléu yóm Kdaw Kehegnô ne ke mit ye hbalù mlan bè yó kem bak tikeb bè Jirusalim lómón yóm gel nmò ye bè yó kem dumu kdaw, angat gotu ntemu yó kem bak tikeb bè Jirusalim. Yóm ofi yó, ngangen mken efet kól bè gónô bong yóm tau hol geta mogot kuy ne laen kô dù gembek hmatay du.’ ”