Amus 2:1 - Udél Dwata: Gna Kesfasad ne Lomi Kesfasad

¹ Yó bud udél Dwata, monen, “Deng tendo sensulit le mò sidek yó kem tau bè Muab, là kô gbeku du ke là tnafaku kul. Gotu genbà le yóm lebeng yóm tau hol geta bè Idom ne gotu dnutung le kem tiolen efet baling kohù.

Amus 2:1 Referans Kwoze

Amus 2:4

Yó bud udél Dwata, monen, “Deng tendo sensulit le mò sidek yó kem tau bè Juda, là kô gbeku du ke là tnafaku kul. Deng kenbê le yóm hlauhu kul, là kô nimón le du. Deng nwiten lu tlas yó kem dwata kéng tehe hentahu yó kem fù le ekni.

Amus 1:3

Ni se udél Dwata, monen, “Deng tendo sensulit le mò sidek yó kem tau bè Damaskus, là gbeku du ke là tnafaku kul. Tey alì kehsidek le yó kem dou tau bè Gilyad, lómó kmò le kul lómón yóm halay knusu bala tók.

Amus 2:6

Yó bud udél Dwata, monen, “Deng tendo sensulit le mò sidek yó kem tau bè Israél, là kô gbeku du ke là tnafaku kul. Deng mom hbalù le mò hesek yó kem tau tedeng kmò le, luluk le lu bè filak ne yó kem tau élél deng luluk le lu bè snilas.

Amus 1:13

Yó bud udél yóm sana Dwata hol gónó mogot, monen, “Deng tendo sensulit le mò sidek yó kem tau bè Amun, là gbeku du ke là tnafaku kul. Bè yóm kundug le ebè benwu Gilyad anì hlamang le yóm són tonok le, mom gotu snifal tnibó le yó kem libun mlutut bè yó.

Amus 1:11

Yó bud udél Dwata, monen, “Deng tendo sensulit le mò sidek yó kem tau bè Idom, là gbeku du ke là tnafaku kul. Deng mom ktes tnibó le yó kem kul dumu Israél, balù udì ke wen kodu le kul. Là kô olò nonol le du yóm kebut le kul, tódô henlós le efet laen dù sónen.

Amus 1:9

Yó bud udél Dwata, monen, “Deng tendo sensulit le mò sidek yó kem tau bè Tayal, là gbeku du ke là tnafaku kul. Deng mom genbà le yóm deng kesbilà le bè yó kem tau Israél. Mom hensulék hbalù le lu mò hesek etu bè Idom yóm kdê tau Israél tódô henek nô bè yó kem kul benwu lemnek.

Kem Udél Hlalak Tehe Selumun 15:3

Balù nô, gotu ton Dwata yóm kdéen, gotu tenngelen se ke sidek duhen hyu yóm nmò tau.

Mika 6:5

Ó kem dou tau, hentulón ye nawa dé yóm tehe tô atul Balak bélê ye yóm tau hol geta bè Muab bè yóm tô kehmulaen kuy, ne yóm tehe kmò kbalà Balaam du yóm ngà Biyur logi bè yóm knihen bélê ye yóm tóbóng Dwata. Là klifót ye du kô yóm yó? Hentulón ye nawa yóm tehe gónóhu tmóbóng kuy lenwóten bè kamfù Akasya efet kól bè Gilgal, yóm tehe kdê nmou bélê ye mò gónó ye gewà.”

Amus 1:6

Yó bud udél Dwata, monen, “Deng tendo sensulit le mò sidek yó kem tau bè syudad Gasa, là gbeku du ke là tnafaku kul. Deng mom sulék hegef le lu mayuk yó kem dou tau tódô henek nô bè yó kem kul benwu lemnek, hbalù le lu mò hesek ebè yó kem tau Idom.