Amus 1:8 - Udél Dwata: Gna Kesfasad ne Lomi Kesfasad

⁸ Angat hnatayu yó kem tau bè syudad Asdod ne genlau yóm tau hol geta bè syudad Askilun. Angat tnafaku yóm syudad Ikrun efet le gotu matay yó kem dù Flistin tebel. Ou se yóm Dwata hol dandónen geta nim mudél ni.”

Amus 1:8 Referans Kwoze

Kem Lingón 81:14

Ke yó nmò le, kendel hegmou lu bè yó kem hohon le, ne dou tdok gemlà kul.

2 Tutul Israél 26:6

Deng mit sfatay bè yó kem Flistin, ne gotu genbaen yóm beng hmilol Gat ne hmilol Jabni ne hmilol Asdod hono syudad yó kem Flistin. Ominen wen kem lomi syudad bud hefdaen moni bè Asdod ne bè yó kem dumu benwu bè Flistin.

Sikaraya 13:7

Yó bud udél yóm Dwata laen dù là gbeken du, monen, “Yó ne, sudeng, hnatayem yóm tau semgyok yó kem dou ubiha, yóm tau hol fi béléu. Hnatayem yóm tau semgyok ubiha anì gotu le sekla yóm kdê ubiha le. Ne fen ou tmafak yó kem hanà lemnek.

Amus 3:9

Ni mò eles heglalag ye bè yó kem tau malak bè Idyip ne bè syudad Asdod, mon ye mò kul, “Hol ye stifun bè yó kem bulul bè Samarya, tenngel ye yóm tey kesbewegen bè yóm benwu yó ne yóm tey kmò le sidek lemen yó kem tau Israél bè yó.”

Isaya 1:25

Bnalau ne yó kem sidek gel nmò ye. Yó kmou kuy hol lómón yóm tau gel tmógó blówón anì mkó yóm bolen. Lómón yó se yóm angat nmou bélê ye anì gotu mkó yóm bolen sidek yóm gel tonu bélê ye.

Juwél 3:4

Ó kem tau bè Tayal ne bè Sidon ne bè yó kem dumu benwu lem Flistya, tedu se gónó ye hmohon do du? Mone tô bneles ye o kô? Ke yó tô nmò ye ten-gama ye, angat kendel huléku eta ye kdê yó kem sidek deng gel nmò ye.

Amus 1:7

Yó gónóm mon angat wen tey ofi hwitu ebè yó kem beng yóm syudad Gasa, efet gotu kenen yóm kdê gónó le gel heklung bè yó.

Ubadaya 1:18

Bè yóm kdaw yó, hol lómón ke tey ofi yó kem ból Jakub ne yó kem ból Jusif, okóm yó kem ból Iso hol lómón ke loob deng mékéng. Angat gotu ken yóm tey ofi yó yóm klamangen, balù udì ke wen tau bud tebel. Ou se yóm sana Dwata hol gónó mogot nim mudél ni.

1 Samwél 6:17

Yóm limu kem tumor nmò le bè tahu blówón hwit yó kem Flistin mò bayad salà le bè Dwata, sotu lemwót bè syudad Asdod ne sotu lemwót bè syudad Gasa ne bè syudad Askilun ne bè syudad Gat ne bè syudad Ikrun.