Amus 1:7 - Udél Dwata: Gna Kesfasad ne Lomi Kesfasad

⁷ Yó gónóm mon angat wen tey ofi hwitu ebè yó kem beng yóm syudad Gasa, efet gotu kenen yóm kdê gónó le gel heklung bè yó.

Amus 1:7 Referans Kwoze

Sifanaya 2:4

“Yó kem syudad bè benwu Flistin yóm syudad Gasa, angat laen dù bud tauhen. Ne yóm syudad Askilun, angat tódô gbayà. Yóm syudad Asdod, angat là kóen kól gtungó kdaw, deng sana hdó Dwata yó kem tauhen, dalang se yóm syudad Ikrun gotu hdó Dwata yó kem tauhen.

2 Bok Kem Tau Hol Geta 18:8

Botong là kô le gemmò béléen yó kem Flistin, gotu gleden yó kem benwu le efet kól etu bè Gasa dalang se yó kem benwu snakufen. Gotu gleden yó kem ngà benwu le efet kól bè yó kem syudad mbegel beng hilolen.

Sulat Pol Ebè Yó Kem Tau Hemtahu Bè Rom 12:19

Ó kem wè, hol bê ye abay meles. Tódô bayà ye bè Dwata, abay se deng monen bè Sulat Dwata, monen, “Ou he fen gel meles. Ne ou he fen gel malà.”

Amus 1:4

Yó gónóm mon, angat wen tey ofi hwitu ebè yóm gónô bong deng hdà Hasaél, gomong kenen yóm kdê gónó le gel heklung deng hdà Bin-hadad yóm tau mò tlesen.

2 Tutul Israél 26:6

Deng mit sfatay bè yó kem Flistin, ne gotu genbaen yóm beng hmilol Gat ne hmilol Jabni ne hmilol Asdod hono syudad yó kem Flistin. Ominen wen kem lomi syudad bud hefdaen moni bè Asdod ne bè yó kem dumu benwu bè Flistin.

Dwata 32:35

Bneles Dwata lu ne tnafaken lu. Móyón kól ne yóm kdaw le btang ne deng moni ne yóm kdaw le meglà.

Amus 1:6

Yó bud udél Dwata, monen, “Deng tendo sensulit le mò sidek yó kem tau bè syudad Gasa, là gbeku du ke là tnafaku kul. Deng mom sulék hegef le lu mayuk yó kem dou tau tódô henek nô bè yó kem kul benwu lemnek, hbalù le lu mò hesek ebè yó kem tau Idom.

Amus 1:8

Angat hnatayu yó kem tau bè syudad Asdod ne genlau yóm tau hol geta bè syudad Askilun. Angat tnafaku yóm syudad Ikrun efet le gotu matay yó kem dù Flistin tebel. Ou se yóm Dwata hol dandónen geta nim mudél ni.”