Amus 1:6 - Udél Dwata: Gna Kesfasad ne Lomi Kesfasad

⁶ Yó bud udél Dwata, monen, “Deng tendo sensulit le mò sidek yó kem tau bè syudad Gasa, là gbeku du ke là tnafaku kul. Deng mom sulék hegef le lu mayuk yó kem dou tau tódô henek nô bè yó kem kul benwu lemnek, hbalù le lu mò hesek ebè yó kem tau Idom.

Amus 1:6 Referans Kwoze

Amus 1:11

Yó bud udél Dwata, monen, “Deng tendo sensulit le mò sidek yó kem tau bè Idom, là gbeku du ke là tnafaku kul. Deng mom ktes tnibó le yó kem kul dumu Israél, balù udì ke wen kodu le kul. Là kô olò nonol le du yóm kebut le kul, tódô henlós le efet laen dù sónen.

Ubadaya 1:11

Yó buten yóm keglà ye yó abay se bè yóm kdaw kwen alì gónó le glayam yó kem dumu ye setwoli tau Israél, deng mom tódô bayà ye lu, deng ye mom mdà hlayuk, là kô dog tnóbóng ye kul. Bè yóm kdaw ksut le bélê le yó kem tólóng benwu mundug kul, gotu nuku le yó kem kendengen bè Jirusalim, omin le yó mólól du yóm syudad Jirusalim mlan bè yóm atù nmò le. Yó nmò ye se kuy, lómón ke yu sotu hohon yó kem tau Israél.

Amus 1:9

Yó bud udél Dwata, monen, “Deng tendo sensulit le mò sidek yó kem tau bè Tayal, là gbeku du ke là tnafaku kul. Deng mom genbà le yóm deng kesbilà le bè yó kem tau Israél. Mom hensulék hbalù le lu mò hesek etu bè Idom yóm kdê tau Israél tódô henek nô bè yó kem kul benwu lemnek.

1 Samwél 6:17

Yóm limu kem tumor nmò le bè tahu blówón hwit yó kem Flistin mò bayad salà le bè Dwata, sotu lemwót bè syudad Asdod ne sotu lemwót bè syudad Gasa ne bè syudad Askilun ne bè syudad Gat ne bè syudad Ikrun.

Juwél 3:6

Yó kem tau bè Juda ne yó kem tau bè Jirusalim, deng gotu hbalù ye lu ebè yó kem tau Grik, yóm deng mit kul mayuk bè benwu le.

Amus 1:3

Ni se udél Dwata, monen, “Deng tendo sensulit le mò sidek yó kem tau bè Damaskus, là gbeku du ke là tnafaku kul. Tey alì kehsidek le yó kem dou tau bè Gilyad, lómó kmò le kul lómón yóm halay knusu bala tók.

Kul Nmò 8:26

Sotu kdaw bè yó, wen hógów Dwata lemwót gu bè longit gdek bè Filip, ne monen mò du, “Géhéli ne, mógówi mool, loloem yóm lan lemwót bè Jirusalim mógów ebè benwu Gasa.” Uma là klet lolò tau du yóm lan yó ni kmoen ni.

Juwél 3:4

Ó kem tau bè Tayal ne bè Sidon ne bè yó kem dumu benwu lem Flistya, tedu se gónó ye hmohon do du? Mone tô bneles ye o kô? Ke yó tô nmò ye ten-gama ye, angat kendel huléku eta ye kdê yó kem sidek deng gel nmò ye.

Amus 1:7

Yó gónóm mon angat wen tey ofi hwitu ebè yó kem beng yóm syudad Gasa, efet gotu kenen yóm kdê gónó le gel heklung bè yó.