Amus 1:5 - Udél Dwata: Gna Kesfasad ne Lomi Kesfasad

⁵ Angat lenusoku yóm bak tikeb syudad Damaskus ne gotu hfatayu yó kem tauhen efet kól etu bè Datal Abén. Ne gotu genlau yóm tau malak kul bè Bét-édén. Yó kem tau bè Siriya gotu negef le lu mayuk etu bè Kir mò hesek le. Ou se Dwata nim mudél ni.”

Amus 1:5 Referans Kwoze

Amus 9:7

Yó udél Dwata, monen, “Ó kem tau Israél, ofo kuy mon du kô ke hol bong mu ye béléu senta yó kem tau Ityupya? Yóm kwitu kuy hewà gu bè Idyip, ofo kuy mon du ke là deng nmou du bè dumu benwu? Yó kem tau Flistin, deng nwitu lu hewà gu bè Krit. Dalang se yó kem tau Aramiyan, deng bud nwitu lu hewà gu bè Kir.

Nahum 3:13

Ngem, angat le gotu lunog yó kem sendaluem, hol lómón klunog kem libun. Yó kem bak tikeb yóm syudadem, deng tódô mngal bè yó kem hohonem, deng ntem le ne gotu le mkekeb.

Isaya 43:14

Yó bud mon yóm Dwata gónó ye mogot yó kem tau Israél, yóm Dwata laen dù belenen yóm lemwà kuy, “Yó kmò kehewau kuy gu bè Babilun, wen kem tey sendalù hógówu etu naw e hegbà yó kem tikeb bengen yóm syudad yó. Yóm tehe kehsag yó kem tau Babilun, mom baling langat le.

Isaya 8:4

Gu laanen là deng hulung tmaba ‘yê’ ne ‘mà’ yóm ngà ye, lemwót yóm tau hol geta bè Asirya gotu negefen yó kem kendengen yó kem tau bè Damaskus ne yó kem kendengen yó kem tau bè Samarya.”

Amus 5:5

Bê ye abay bud mógów ebè Bétél ne ebè Gilgal duhen ke ebè Bér-siba ke na ye e demsù ditu. Abay se yó kem tau bè Gilgal, angat gotu negef le lu mayuk ne yó kem tau bè Bétél, angat le gotu meglà.”