Amus 1:3 - Udél Dwata: Gna Kesfasad ne Lomi Kesfasad

³ Ni se udél Dwata, monen, “Deng tendo sensulit le mò sidek yó kem tau bè Damaskus, là gbeku du ke là tnafaku kul. Tey alì kehsidek le yó kem dou tau bè Gilyad, lómó kmò le kul lómón yóm halay knusu bala tók.

Amus 1:3 Referans Kwoze

Amus 2:6

Yó bud udél Dwata, monen, “Deng tendo sensulit le mò sidek yó kem tau bè Israél, là kô gbeku du ke là tnafaku kul. Deng mom hbalù le mò hesek yó kem tau tedeng kmò le, luluk le lu bè filak ne yó kem tau élél deng luluk le lu bè snilas.

Amus 1:9

Yó bud udél Dwata, monen, “Deng tendo sensulit le mò sidek yó kem tau bè Tayal, là gbeku du ke là tnafaku kul. Deng mom genbà le yóm deng kesbilà le bè yó kem tau Israél. Mom hensulék hbalù le lu mò hesek etu bè Idom yóm kdê tau Israél tódô henek nô bè yó kem kul benwu lemnek.

Isaya 8:4

Gu laanen là deng hulung tmaba ‘yê’ ne ‘mà’ yóm ngà ye, lemwót yóm tau hol geta bè Asirya gotu negefen yó kem kendengen yó kem tau bè Damaskus ne yó kem kendengen yó kem tau bè Samarya.”

Amus 2:4

Yó bud udél Dwata, monen, “Deng tendo sensulit le mò sidek yó kem tau bè Juda, là kô gbeku du ke là tnafaku kul. Deng kenbê le yóm hlauhu kul, là kô nimón le du. Deng nwiten lu tlas yó kem dwata kéng tehe hentahu yó kem fù le ekni.

Amus 2:1

Yó bud udél Dwata, monen, “Deng tendo sensulit le mò sidek yó kem tau bè Muab, là kô gbeku du ke là tnafaku kul. Gotu genbà le yóm lebeng yóm tau hol geta bè Idom ne gotu dnutung le kem tiolen efet baling kohù.

Amus 1:13

Yó bud udél yóm sana Dwata hol gónó mogot, monen, “Deng tendo sensulit le mò sidek yó kem tau bè Amun, là gbeku du ke là tnafaku kul. Bè yóm kundug le ebè benwu Gilyad anì hlamang le yóm són tonok le, mom gotu snifal tnibó le yó kem libun mlutut bè yó.

Amus 1:6

Yó bud udél Dwata, monen, “Deng tendo sensulit le mò sidek yó kem tau bè syudad Gasa, là gbeku du ke là tnafaku kul. Deng mom sulék hegef le lu mayuk yó kem dou tau tódô henek nô bè yó kem kul benwu lemnek, hbalù le lu mò hesek ebè yó kem tau Idom.

Amus 1:11

Yó bud udél Dwata, monen, “Deng tendo sensulit le mò sidek yó kem tau bè Idom, là gbeku du ke là tnafaku kul. Deng mom ktes tnibó le yó kem kul dumu Israél, balù udì ke wen kodu le kul. Là kô olò nonol le du yóm kebut le kul, tódô henlós le efet laen dù sónen.

Isaya 41:15

Yó angat kmou kuy, hol lómón ke yu yóm karas lomi alì telem nihihen. Gotu knaras ye yó kem bulul, gotu hensidek ye lu. Ngang ye mò kul efet le baling kfung.

Isaya 7:8

Yó gónóhu mon du yóm yó, abay se laen dù bud kgis Risin. Senged se yóm syudad Damaskus gónóhen nô ne yóm benwu Sirya nogoten, laen dù bud kgis le. Senged se yóm benwu Israél, là gefeten bè nem folò limu halay gu kni deng le sana gotu meglà, là buden mdà ne yóm benwu yó.

Kehedem Tau Tmolok 11:2

Hdéem gónóm e mólól du yóm blayem, abay se là kô tngónem du ke wen sidek sut elem benwu hulin kdaw.

Kem Udél Hlalak Tehe Selumun 6:16

Wen nem kay nmò knutó nawa Dwata, o, hitu dé yóm alì kenliten. Ne ni sii lu:

Job 19:3

Tódô ket kiwól ye hemyak dou ne là kô kenyak ye du mudél sidek etahu.

Job 5:19

Tendo gel lenwaen uu bè yóm gónón wen gfaem.

1 Bok Kem Tau Hol Geta 19:17

Yóm tau mlóy gu bè Hasaél, angat hnatay Jihu, ne yó se hemlóy ke Jihu, angat hnatay Ilaysa.

Isaya 7:16

Okóm gu laanen là deng sut yóm kdaw yó, deng sana genlà yó kem dumu tau ne yóm kul benwu yóm lewu kem tau hol geta alì knikoem yó.