Amus 1:2 - Udél Dwata: Gna Kesfasad ne Lomi Kesfasad

² Ni se kmò ktulón Amus du yóm deng tonen ne yóm deng gungolen, monen, “Yóm udél Dwata gu lem yóm Gónóen bè Bulul Sayun, hol lómón ke ngel liyun ne hol lómón ke lemték lemwót gu bè Jirusalim. Bè yóm kudélen yó tódô baling mékéng yó kem gónó gel hótób ubiha ne gotu menes yó kem bnes ta bulul Karmél.”

Amus 1:2 Referans Kwoze

Juwél 3:16

Tey lungkulen gu bè Sayun yóm udél Dwata ne lemték gu bè Jirusalim. Tódô gotu msinsig tonok ne longit. Okóm bè yó kem kun tau Israél, Dwata se gónó le e mlo mò gónó le e heklung.”

Amus 9:3

Baluen he ke hebnos le te tfusù Bulul Karmél, olo ke là angat hnebelu kul ne kenfóu lu. Baluen he ke hebnos le ditu tlaan bè sokol mohin, olo ke là angat dóku yóm ulal bong lem mohin mò mékét kul.

Jirimaya 12:4

Lemwót bè yóm sidek gel nmò yó kem tau, deng gotu mékéng ni kem tonok me. Kegenen de duen yóm tey kékéngen ni, Dwata? Dalang se yó kem hulu me, deng le gotu menes. Ne yó kem ógóf lem bnes ne yó kem onuk koyu, deng le gotu matay lemwót bè yóm sidek gel nmò yó kem tau. Mom yó udél yó kem tau mò sidek, mon le, “Là kô ton Dwata du nim gel nmò tekuy ni.”

Isaya 42:13

Yóm Dwata, hol lómón yóm sendalù deng eles htigel, módód ebè gida. Ke ston bè kem hohonen, tódô hentéen lu ne mensag, hegfanen bélê le yóm tey kfasangen.

Nahum 1:4

Tek olo bè udélen tódô kti yóm tey mohin bong dalang se yó kem él mlel. Bud lemwót bè udélen gónón tódô mékéng yó kem tey tilob gónó motob bè Basan ne bè Karmél ne yóm dlag bè Libanun gotu tbó doun le.

Juwél 2:11

Bè yóm igò Dwata malak kul, tódô mensag. Ya tey kwen le yó kem nwiten ne gotu nimón le yóm kdê dóken kul. Tey kenyó yóm kun kdaw Dwata, ne tey sidek. Tau du de gembek hembala du yóm kdaw yó?

Husiya 13:8

Lómón kmò ksék yóm bér ke nwa le béléen kem ngaen, lómón yó se kséku kuy. Naw gotu somok yu lómón ksomok liyun sok bitil.

Jirimaya 14:2

“Yó kem tau bè Juda tey klangag le. Bè yó kem syudaden laen dù bud gónó le ma mò hbalù le bè yó. Tódô le myón bè tonok yóm kdéen tau lan le langag. Ya tey sidek kkik le yóm kdéen tau bè Jirusalim lemwót bè yóm alì sidek keglayam le.

Isaya 35:2

Hol lómón ke tódô hligal semngal ne mensag yóm benwu yó. Lómón angat ktiloben, lómón ktilob yó kem bulul bè Libanun. Yóm kehyu yóm tonoken hol lómón yóm kehyu yóm tonok bè Karmél ne Syaron. Tódô kdéen tau gotu mton du yóm tey klinggel Dwata ne yóm kegetahen ne yóm kfasangen.

Isaya 33:9

Yóm klamang tonok tehe gónó le mò nmò, laen dù bud tonem hulu tahen. Yó kem tey dlag bè Libanun deng le gotu menes. Yóm tey datal tilob mò du hulu bè Syaron, deng baling benwu là hyu menwu du. Ne yó kem dlag bè Basan ne bè bulul Karmél, gotu tbó doun le lemwót bè kenes le.

Kem Udél Hlalak Tehe Selumun 20:2

Yóm klikò tau du yóm alì sidek kebut yóm tau hol geta lómón yóm klikò tau du yóm ngel yóm mon le liyun. Yóm tau hebut yóm tau hol geta hfatayen knóen.

1 Samwél 25:2

Bè yó bè Maun, wen tau alì kwasa nô bè yó ne wen tonoken nô bè Karmél. Botong tlu libu ubihahen ne lemibu kambingen. Bè yóm kdaw yó tolo nungusen bul yó kem ubihahen ditu bè Karmél.

Kem Lingón 46:6

Okóm yó kem tau bè dumu benwu, tey sidek klikò le bè yóm kehsinsig Dwata yóm klamangen benwu. Heték Dwata, ne tódô kmanas yóm tonok.

Husiya 11:10

Angat wen kdawen ou se angat lolò yó kem tauhu. Bè yóm ktabahu kul, angate mngel lómón liyun ne gotu le mulék ebéléu yó kem tauhu mung du kkel le, lemwót le bè yóm benwu fi desdef.

Juwél 1:19

Ó Dwata, hol tnóbóngem mi. Hol lómón ke deng gotu ken ofi yóm gónó le mótób yó kem ógóf me kkólen bè yó kem koyu me, hol lómón ke deng le gotu mlób.

Kem Lingón 29:4

Tey mfasang yóm kudél Dwata, yóm kudél yóm Dwata alì geta.