Amus 1:12 - Udél Dwata: Gna Kesfasad ne Lomi Kesfasad

¹² Yó gónóm mon angat wen tey ofi hwitu ebè syudad Timan ne gotu kenen yóm gónó gel heklung bè syudad Busra.”

Amus 1:12 Referans Kwoze

Tekang Kbuten 36:33

Tikóng matay Bila, yó bud tles hol geta, duhen Jubab ngà Sira yóm tau lemwót bè Busra.

Tekang Kbuten 36:11

Mngà logi Ilifas, duhen Timan ne Umar ne Sifu ne Gatam ne Kinas.

Isaya 63:1

“Tau du se yóm tau kól gu bè syudad Busra bè benwu Idom? Tey alì tilob yóm nes hulô leseken. Tódô mógów hekteng, tódô dilóem béléen yóm tey kfasangen ne yóm tey kgisen. Tau du de tu?” Yóm mógów yó, duhen Dwata yóm hol gónó mogot. Tey wen kfasangen lemwà yó kem tauhen. Yó nógówen nan e tulón yóm deng kegmoen bè yó kem hohonen.

Ubadaya 1:1

Ni se htonen ke Ubadaya, yóm Dwata hol dandónen geta, gbak ebè benwu Idom. Deng gungol tekuy yóm tulón lemwót bè Dwata, duhen yóm kwen tau hógówen mò eles tmulón du bè yó kem tólóng benwu yóm udélen, monen, “Yóm kdéen tau eles ye htigel. Sentifun tekuy kem sendalù tekuy na tekuy e nundug yóm benwu Idom.”

Hbakuk 3:3

Tódô tonu Dwata yóm hol mólós, hlalak gu lem yóm benwu laen hol wen tauhen, lemwót gu bè Idom ne bud mlan bè yó kem bulul bè Paran. Tódô tfeng longit yóm tey keslinangen ne tfeng tonok yóm kdê tau dmóyón du.