Amus 1:1 - Udél Dwata: Gna Kesfasad ne Lomi Kesfasad

¹ Bè yóm tehe kogot Usiya yóm benwu Juda, yó fen mogot yóm benwu Israél duhen Jirubuam yóm ngà Jihuas logi. Bè yóm kdaw yó, wen hton Dwata ke Amus yóm tau gel semgyok ubiha bè yóm sotu benwu boluyen Tikwa. Yóm hton Dwata du gbak ebè yó kem tau Israél. Yóm kwen htonen du ni, lewu halay he duen gu laanen là deng mbel linol bong bè benwu le.

Amus 1:1 Referans Kwoze

Sikaraya 14:5

Angat ye mlan bè yóm datal ni bè yóm klóy ye, abay se gefet ditu bè Asal yóm datal ni. Tódô ye gotu mlóy lómón yóm tehe klóy yó kem tehe fù ye ekni bè yóm tehe kbel linol bong bè Juda bè yóm tehe kun kogot Usiya. Ominen yó, sut yóm sana dou Dwata hol gónó mogot, mung du yóm kdê gel hógówen.

Amus 7:14

Yó balà Amus du, monen, “Là tugode Dwata ne là se ngae tugod Dwata dou. Là kô ni du ebelu filak. Tauhe semgyok ógóf se dou ne tauhe fen hemgifat koyu fig.

2 Tutul Israél 20:20

Hol hlafus hayahen bè yó, gotu le btik yó kem sendalù Juda, mógów le ebè yóm benwu laen hol wen tauhen bè Tikuwa. Bè yóm hanà knô le bè lan, htengen mdà Jihusafat, ne yó udélen ebè yó kem tau, monen, “Ó kem tau Juda ne kem tau bè Jirusalim, hnungol ye ou yóm kdê ye. Hentahu ye Dwata yóm Dwata hol kuy gónó mogot, anì mbegel ye. Hentahu ye yó kem tugoden anì wen gónón e kól yó kem nmò ye.”

2 Tutul Israél 11:6

Hbegelen Bitlihim ne Itan ne Tikwa,

1 Bok Kem Tau Hol Geta 19:19

Tahu se, lemwót Ilaydya, ominen mton ke Ilaysa yóm ngà Safat tolo hdaduhen yó kem safien. Wen sfolò sotu tau dmadu tukô gna du, bede ket lewu safì bè sotu dadu, ne fen nogot Ilaysa yóm sotu dadu huli. Omin Ilaydya mlus yóm nesen lafin ta, boten eta abal Ilaysa.

2 Samwél 14:2

Yó gónón hangay yóm libun hulung hedem lemwót bè Tikwa. Tikóng gdek bè yó yóm libun yó, yó mon Juab mò du, “Hlingóni libun langag, lesekem yóm nes langag, ne béi abay dyo duhen ke lemunol hboo. Hol lómón ke uu yóm libun deng legen klangagen.

Jirimaya 1:1

Nim bok ni, kun udél Jirimaya yóm ngà Hilkaya logi. Nim Jirimaya ni, sotu tau gel blóng ebè Dwata lemwót bè yóm benwu udì boluyen Anatot glem lem yóm tonok kul ólól yó kem tau semfu gu bè Bindyamin.

Isaya 1:1

Nim bok ni gónón nô yóm tehe udél Dwata htugoden ke Isaya ngà Amus. Yóm nô lemen hol gbak ebè yó kem tau menwu bè benwu Juda ne bè syudad Jirusalim. Dê dulék Dwata mudél ebélê le hlanen bè Isaya, nbuten bè yóm tehe kogot Usiya kul efet kól bè yóm kdaw kul kogot benwu le Jutam ne Ahas ne Hisikaya. Hono kem tau hol geta tehe stufì mogot yóm benwu Juda.

1 Kurin 1:27

Okóm yó nmò Dwata, néléken yó kem tau glaan ketngón le mò gónón hemyak yó kem tau temngón lem nim benwu ni. Ne néléken yó kem tau laen hol genbek le mò gónón hemyak yó kem tau wen genbek le lem nim benwu ni.

Mika 1:1

Bè yóm tehe kesetles le kmamal bè Juda le Jutam ne Ahas ne Hisikaya, wen udél Dwata ebè Mika, yóm tau lemwót bè yóm benwu udì boluyen Murisit. Hton Dwata du yóm angat gefet bè yóm lewu kem syudad Samarya ne Jirusalim.

Husiya 1:1

Bè yóm tehe kesetles le mogot yóm benwu Juda le Usaya ne Jutam ne Ahas ne Hisikaya, yó fen mogot yóm benwu Israél duhen Jirubuam ngà Jihuas logi. Bè yó kem halay yó wen htugod Dwata ke Husiya yóm ngà Biri logi.

Jirimaya 7:27

Duhen ni Jirimaya, hol tulónem yó kem dou tau nim udélu ni, okóm là kô hnungol le kóm. Ke tnabahem lu anì wen eles hetgamahem kul, là kô bnalà le kóm.

Kehewà 3:1

Sotu kdaw bè yó, bnentey Musis yó kem ubiha ne kem kambing tuónen Jitru yóm tau gel demsù ebè Dwata bè Midyan. Yó nmò Musis, nalaken yó kem ógóf mifal yóm benwu laen hol wen tauhen ne mógów ebè Sinay yóm bulul bnoluy le bulul Dwata.

Matyu 4:18

Sotu kdaw bè yó yóm igò Jisas mentad ebè Lanaw Galili, tonen yó kem lewu tau setwoli hmuket le: Simun boluy yóm sotuhen, yóm gel bnoluy le Pitér ne Andru, yóm twolihen. Yó se kul sana gel nmò hmuket.