3 Jan 1:9 - Udél Dwata: Gna Kesfasad ne Lomi Kesfasad

⁹ Deng wen sulat ukol hwitu edyó ebè yó kem tau hemtahu bè yó, okóm là kenmón Jutrifis du yóm sulatu yó. Yó hol kóyóen ke són du mò tô gónó le galak yó kem tau bè yó.

3 Jan 1:9 Referans Kwoze

Kun Snulat Luk 9:48

ne monen mò kul, “Ke wen tau hmódó nim ngà nii mlan bè dou boluy, lómón ke ou yóm hnódóhen. Ne yóm hmódó do, lómón ke hnódóhen snéen tum hógów do. Yakà yóm alì heglaan bélê ye, yó se yóm hol geta.”

Mark 9:34

Okóm balù sekteb ke bnalà le Jisas, abay se yóm tendo senkuya le mulit lan ke mahi du bélê le yóm hol geta.

3 Jan 1:8

Yó se gónón hyu ke tekuy kem tau hemtahu fen temdof kul anì wen kut du bè yóm kwit le yóm tahu tolok.

Sulat Pol Ebè Yó Kem Tau Hemtahu Bè Rom 12:10

Kdê ye deng hemtahu, hol ye sbong nawa. Hol ye gel sadat.

Mark 9:37

“Yó se tau hmódó yóm sotu ngà lómón yóm ngà nii mlan bè dou boluy, lómón se ke ou ne yóm hnódóhen. Ne yó se hmódó dou, là olon ou du yóm hnódóhen, okóm gomong hnódóhen yóm hógów dou snéen.”

Matyu 7:8

Ket tau ke wen hnihen bè Dwata, gutahen. Ke wen hnebelen, tonen. Ke mbal gu bak sut, hotun Dwata.

Kulasi 1:18

Bud du se hol kulu yó kem tau hemtahu béléen, ne lu henged lówóhen. Bud du se hlowil kul, abay se du yóm hol tekang mowil là buden matay. Yó gónóm mon, du se yóm hol geta bè kdéen.

2 Jan 1:9

Ke wen tau là gmulit du yóm kun tolok Krays, ne deng mom wen gel tnuen du, là kóen nô béléen Dwata yóm tau yó. Okóm ke tendo nuliten yóm kun tolok Krays, deng nô béléen ne yóm Mà tekuy lewu le yóm Ngaen.