3 Jan 1:6 - Udél Dwata: Gna Kesfasad ne Lomi Kesfasad

⁶ Bè yóm kkól le dini, tey ktulón le du bè simbahan yóm alì kbong nawahem kul. Béem tenflok yóm któbóngem kul bè yóm kógów le. Hol nmoem yóm tóbóng gónón hligal Dwata.

3 Jan 1:6 Referans Kwoze

1 Tisalunika 2:12

Tey gel kegduf me kuy, ne tey gel kehyu me nawa ye, lel me tendo gemduf kuy anì gmò ye yóm gónón hligal Dwata. Du se tehe tmaba kuy anì gomong ye bè yó kem tau nogoten ne bè yóm tey kegetahen.

Taytus 3:13

Hol gel tnóbóngem se ke Sinas kun, yóm begadu, dalang se Apulus anì laen dù gónó le élél bè yóm kógów le.

Kul Nmò 15:3

Tahu se, hewót le lu le Pol yó kem tau hemtahu bè Antyok. Bè yóm kógów le, mlan le bè prubinsya Funisya ne Samarya. Ket benwu gónó le slob, gel tulón le yóm deng kehtahu le bè Dwata yó kem tau là Ju le. Ya tey kligal le yó kem tau hemtahu bè yóm kungol le du yóm tulón le ni.

1 Pitér 2:20

Ke wen gónó le tmafak kuy lemwót bè kuy salà, baluen ke gbek ye hembala du, là kô dóyón Dwata kuy, abay se kuy salà. Okóm ke tódô tnafak le yu hkawang igoen laen dù sidek nmò ye, ke gbek ye hembala du yóm yó, tey któbóng Dwata kuy.

Kulasi 1:10

Ni bud hni me béléen anì hol gmò ye yóm kun kóyô yóm gónó tekuy mogot, ne anì hol gmò ye yóm gónón hligal bélê ye. Ke ni se kmò ye, wen tey bunguhen yóm klowil ye, ne senflósen temnù yóm ketngón ye ke Dwata.

Flipay 4:14

Okóm tey hyu se yóm kwen hwit ye ebéléu bè yóm igou glayam.

Sulat Pol Ebè Yó Kem Tau Hemtahu Bè Rom 15:24

Tóe hlós ebè Spén, yóm benwu kem Kestilà, okóm naw hlun slob bélê ye bè yó bè Rom. Sok deng malù gsengel kegnómu du bè yóm kesegbótu bélê ye, yó he kehewót ye do.

Kul Nmò 21:5

Okóm timbow deng hto yóm buteng me lemwót, tódô me bud lemwót. Glok le gotu mung kum ebè kilil mohin yó kem tau hemtahu bè yó, balù yó kem tuha libun le ne yó kem ngà le. Ne gotu me mtud bukol bè kilil mohin, mni me bè Dwata.

3 Jan 1:12

Tódô kdéen tau se gotu dmóyón ke Dimitriyus. Tódô gdilô bè yóm nmoen yóm tahu tolok gel loloen. Balù kum, sana gel kdóyón me du snéen, ne tódô tngónem se, tahu yóm gel mon me.

Kul Nmò 15:29

Bê ye abay ken yóm deng dsù ebè dwata kéng. Bê ye abay ken yóm litô. Ne yóm utón là deng kó du litóen, bê ye abay ken. Ne bê ye abay mò samuk. Tey bong kehyuhen bélê ye ke lolò ye ni kem ni. Sónen ni ne tulón me kuy.”

Juna 4:4

Ne yó balà Dwata ke Juna, monen, “Hyu kô, Juna, yóm alì kebutem yó?”

Tekang Kbuten 4:7

Ke yóm hyu yóm dsuem, tedu duónu là hemmóyô du? Okóm lemwót bè yóm là kehyuhen, hol lómón ke wen salà mangat kóm bè bak autem anì nwiten uu. Tódô kenbéem dé anì là gmungi.”