3 Jan 1:5 - Udél Dwata: Gna Kesfasad ne Lomi Kesfasad

⁵ Ó Wè, do dumu sogot nawa, tey gel ktenebem tmóbóng yó kem dumuhem hemtahu, baluen ke tau milo.

3 Jan 1:5 Referans Kwoze

Glasya 6:10

Yó gónóm mon, ke wen lan tekuy tmóbóng kem dumu tekuy, hol tnóbóng tekuy lu, sélétem mon bè yóm hol dumu tekuy hemtahu.

Kulasi 3:17

Duhen yó, bè ket nmò ye duhen ket benkó ye, hol na ye na hlan bè boluy yóm gónó tekuy mogot Jisas. Bud béléen snéen gónó ye hlan du yóm kdóyón ye ke Dwata yóm Mà tekuy.

Kun Snulat Luk 12:42

Ne bnalà Jisas se, monen, “Yóm tau gulit kmoen nmò bè yóm gónóhen mogot, ne hulung hedem, yó se yóm tau tódô gotu hogoten du yóm gónóhen mogot yóm gónóen ne yó kem dumu tau mò nmò béléen mò fen semgifà kul.

Matyu 24:45

“Tau du de yóm gulit kmoen nmò bè yóm gónón mogot ne yóm hulung hedem? Yó se yóm tau tódô gotu hogoten du yóm tau gónón mogot yó kem dumu tau mò nmò béléen mò fen semgifà kul.

Kul Nmò 1:15

Bud sotu kdaw bè yó, gotu le stifun yó kem tau hemtahu, wen dô lematu bud lewu folò kwen le.

Sulat Pol Ebè Yó Kem Tau Hemtahu Bè Rom 12:13

Hol gel tnóbóng ye kem dumu ye hemtahu ke wen gónó le élél se kul. Hol ye gel hmódó ke wen tau milo sut bélê ye.

Hibru 13:2

Hol gel hnódó ye ke wen tau milo sut bélê ye. Deng wen se tau mò du, bede là tngónen du yóm hnódóhen, anì monem, hógów Dwata gu bè longit.

3 Jan 1:3

Tey kligalu bè yóm kegdek le dini yó kem dumu te hemtahu. Tulón le do yóm tey ketenebem bè yóm tahu tolok, ne segtón bè ktahuhen yóm gel nmoem.

3 Jan 1:10

Yó gónóm mon, sok wen lanu mógów edyó bélê ye, gotu benkasu lem blóng ye he yó kem gel nmoen, ne yóm alì sidek kbaken ebélê me, ne yóm kéng gel tulónen. Sotuhen, là dog gel hnódóhen kul yó kem dumu tau hemtahu lemwót bè benwu mayuk, lelen hemseng yó kem dumu tau hemtahu bè yó anì là hnódó le se kul. Ke hnódó le yó kem tau milo, là kô bud hfuseken kul bè simbahan.

Matyu 25:16

Tódô kendel bud lemwót se kun yóm tau mogot limu libu nan e hból yóm kun. Ngangen efet bud limu libu se uléken.