3 Jan 1:1 - Udél Dwata: Gna Kesfasad ne Lomi Kesfasad

¹ Ou se yóm sotu tuha logi gónóhen lemwót nim sulat ni. Smulate ebéléem, Wè Gayus, yóm dou kenbong nawa.

3 Jan 1:1 Referans Kwoze

1 Jan 3:18

Ó kem ngà, béen olo són bè sumóng ye yóm kbong nawa ye kem dumu ye. Yake hol hegfan ye bè kmò ye yóm tahu kbong nawa ye kul.

1 Kurin 1:14

Hyu nawahu dou abay se laen dù tau bnabtaysu bélê ye, són Krispus ne Gayus.

Sulat Pol Ebè Yó Kem Tau Hemtahu Bè Rom 16:23

Bud ni se kun udél Pol ebélê ye. Tey kólóm Gayus kuy se kun, yóm tau fun gónô gónóhu nô. Són bè kun gónô gónó le gel stifun yó kem dumu tau hemtahu bè ni. Senged se ke Irastus, yóm tau fen mogot filak bè nim syudad ni, ne Kwartus, yóm sotu dumu tekuy hemtahu, tey kólóm le kuy se kul.

Kul Nmò 19:29

Gotu le gbót lembut se kul yó kem dumu tau bè yóm syudad yó, ne gotu le hetê. Tódô senkfô le Gayus ne Aristarkus, yó kem lewu tau mung ke Pol lemwót bè Masdunya. Nit le lu ebè yóm sotu gónô bong gónó le gel stifun skukum.

Kul Nmò 20:4

Bè yóm ktonok Pol mulék yó, ni sii yó kem dumuhen: Supatér ngà Pirus lemwót bè Beriya, ne Aristarkus ne Sikundus lemwót bè Tisalunika, ne Gayus lemwót bè Dérbi, ne Tikikus ne Trufimus lemwót bè prubinsya Asya, ne Timuti.

Kul Nmò 11:30

Fen hwit le kul le Barnabas lewu le Sol etu bè yó kem tau malak yó kem tau hemtahu bè yó.

1 Pitér 5:1

Ne ni wen udélu ebélê ye, yu kem tuha gónó le gel galak yó kem tau hemtahu. Ou se sotu dumu ye tuha gel malak snéen. Lelen yó he deng tonu se dou yóm tehe keglayam Krays bélê tekuy, ne gomonge snéen dou bè yóm kdaw angat kegfan yóm kegetahen. Ni se yóm hlauhu kuy.

3 Jan 1:2

Ó Wè, gele mni bè Dwata béléem anì tendo hyu kógów klowilem, ne anì kemgis lem lówóhem, lómón yóm kekgis yóm kehtahuhem.