2 Timuti 2:3 - Udél Dwata: Gna Kesfasad ne Lomi Kesfasad

³ Béem hentaw yóm gel keglayamem lemwót bè yóm kloloem ke Krays Jisas, yakà uu du yóm sotu sendaluen.

2 Timuti 2:3 Referans Kwoze

Sulat Jim 1:12

Hligal kun yóm tau ke hulung hembala yó kem tilów mgel gel sut béléen. Yó ofolen yóm khulungen hbala yó, duhen yóm klowil laen dù sónen, yóm deng fasad Dwata bè yó kem tau kembong nawa du.

2 Timuti 4:5

Okóm kóm, hol tenngelem kmoem. Hol henbalahem yóm gel keglayamem. Hol gel nwitem yóm Tulón Hyu. Béem tenflok yóm hmò Dwata kóm.

2 Timuti 1:8

Duhen yó, béem kenyak tmulón du yóm deng tngónem gbak ebè yóm gónó tekuy mogot. Béem kenyak se nim fen kegkukubu lanu mimón ke Krays. Ne béem hentaw ke wen gbunuem bè kwitem du yóm Tulón Hyu. Dwata he temgel kóm.

Hibru 10:32

Okóm tekuy, hol hentulón ye nawa yóm tehe kdaw ye ekni, yóm kdaw tehe kehlayag Dwata lem hendem ye. Tey sidek tehe keglayam ye lemwót bè yóm deng kehtahu ye, okóm là gwiten kuy.

2 Timuti 2:10

Kem kunen ne, kihu kem kmò le dou, syan ke gtóbóngu yó kem tau deng nélék Dwata anì gewà le gu lem hatay se kul lan le hemtahu bè Krays Jisas, ne anì guta le yóm klowil laen dù sónen.

1 Timuti 1:18

Ó Timuti, uu se yóm ngau, ni wen hlolou kóm. Hentulónem nawa yóm tehe deng olu le kóm yó kem tau tugod Dwata ekni. Béem kó bè nawam nim ni mò temgel kóm bè yóm kmoem nmò bè Dwata.

2 Timuti 3:11

Deng gotu tngónem yóm gel kehsidek le dou ne yóm gel keglayamu. Deng tngónem yóm gfau bè yó kem tau bè Antyok ne bè Ikunyum ne bè Listra. Tey keglayamu, bede sal gel lenwaen ou yóm gónó tekuy mogot.

2 Kurin 1:6

Ke wen gónó me glayam, kem kunen ne yó, abay se bè yó gónó me gel tmóbóng kuy, ne mò gónó ye gmuta du yóm klowil laen dù sónen. Ne ke wen gónó Dwata tmóbóng kum, yó se gónó me hulung tmóbóng kuy anì gbek ye hol hembala du yó kem gónó ye gel glayam, yóm keglayam hol senged bè yóm kum gónó gel glayam.

Hibru 11:27

Yóm tehe ktagak Musis yóm benwu Idyip, lemwót bè yóm kehtahuhen bè Dwata là kóen dog likò bè yóm tey kebut Faro du. Hol lómón ke deng eles tonen Dwata, yóm là ton mata tau du, ne yó se hol nimónen.

Hibru 6:15

Ne tahu se, là kóen tmakas Abraham mangat du efet gutahen yóm deng fasad Dwata du yó.

1 Kurin 13:7

Lemwót bè yóm kesbong tekuy nawa yó, gbek tekuy hembala du balù kihu sut bélê tekuy. Ne là kóen skó yóm kehtahu tekuy bè yóm gónó tekuy mogot, ne yóm tendo hendón tekuy béléen, ne yóm kanay nawa tekuy bè kem dumu tekuy.

1 Kurin 9:7

Tulón ye dou kun, deng wen sendalù mung bè gida kô ke tlek kun mebel mò gastuhen? Ne bè yóm tau gel mò hulu, là dog kenen du ne kô yóm gel nutahen? Dalang se yóm tau semgyok ógóf, là dog wen kem ofolen du ne kô yó kem ógóf sen-gyoken? Là kô yó du. Sal gel wen ofolen du yóm kun leniteg yóm tau.

2 Timuti 1:1

Ou se Pol gónón lemwót nim sulat ni. Ou se sotu hógów Krays Jisas mlan bè kun kóyô Dwata. Hógówen ou mò hetngón du bè kdéen tau yóm klowil laen dù sónen deng fasad Dwata tekuy, hlanen bè yóm deng kessotu tekuy bè Krays Jisas.

2 Timuti 2:9

Ne yó se lewóten nim gfau ni. Lómón kfét le dou tau monok. Ya mo kegfét le dou du, okóm là kô gfét le du kun yóm Udél Dwata.

Filimun 1:2

Gomong lemen snéen yó kem tau hemtahu gel stifun tmaba Dwata bè gónóem. Ne Afiya snéen, yóm sotu libun me bè kehtahu, dalang se ke Arkipus, yóm sotu dumu me sendalù bè Krays.

Kul Nmò 23:31

Tahu se, tódô lolò yó kem sendalù yóm dók yóm kmandér, nangay le Pol yóm kifu yó, ne omin le lemwót. Ngang le mógów efet le kól bè syudad Antipatris.