2 Timuti 1:3 - Udél Dwata: Gna Kesfasad ne Lomi Kesfasad

³ Béléu do, tey kdóyónu ke Dwata, ne laen kô dù bang blóngu ebéléen yóm klawihu mò du nim hmoen dou ni. Hol lómón ni se yóm tehe kul nmò yó kem tehe fuu ekni. Tey kdóyónu ke Dwata bè yóm gel kutómu kóm béléen, tódô ketu kifu ne ketu kdaw.

2 Timuti 1:3 Referans Kwoze

Hibru 13:8

Yóm Jisas Krays, là kóen megetles, lemwót bè kbuten efet kól bè sónen.

Kul Nmò 23:1

Bè yóm kdà Pol bè solu yó kem tau mogot kukum, nan na temngel ebélê le, ominen mon du mò kul, “Kem dou dumu tau Israél, bè dou kegnóm du, laen kô du tngónu ke mò blóngu ebè Dwata efet nim kmoen ni.”

Kul Nmò 24:14

Là kóe myak tmulón du kóm, Sér, yóm klolou yóm sana Dwata lolò yó kem tehe fù me ekni, tódô lolou bè yóm kun kehlan du Jisas, yóm deng mon le tolok sekban. Okóm yóm kdê snulat bè hlau Musis, gotu hentahuhu se dou. Dalang se kdê yó kem snulat yó kem tehe gna tugod Dwata ekni, gotu hentahuhu snéen.

1 Timuti 1:19

Hol hgemelem kehtahuhem, ne béem abay nmò blóngem ebè Dwata. Nim monu ni, deng wen se kem tau gmafang du, ne yó gónón hlós lana kehtahu le.

1 Timuti 1:5

Yó hol muhen nim hlolou kóm ni anì wen yóm kesbong le nawa lemwót bè yóm klaen dù belenen yóm nawa le, ne yóm klaen dù blóng le ebè Dwata, ne hol tahu duhen yóm kehtahu le.

Kul Nmò 24:16

Yó gónóm mon, tódô hotuhu gelu dou mò du yóm tedeng anì laen dù blóngu ebè Dwata duhen ke ebè kem dumuhu tau.

Kul Nmò 22:3

“Tauhe Ju se dou, lemwóte bè syudad Tarsus, yóm benwu snakuf Silisya. Okóm mnagie bè ni bè Jirusalim, yó sem Gamaliyél yóm tehe tmolok dou. Tey mget ktoloken du dou yóm hlau Musis, yóm sana hlau yó kem fù tekuy ekni. Tey mget se yóm dou klolò ke Dwata lómón se yóm kuy yóm kdê ye mdà bè ni nii.

2 Timuti 3:15

Hentulónem nawa yóm deng dnalangem bè Sulat Dwata lemwót bè yóm hanà kudiem. Yó se gónóm temngón du yóm kehewà Krays Jisas kóm gu lem hatay mlan bè yóm kehtahuhem béléen.

2 Timuti 1:5

Gel gbel lem nawahu yóm kóm kehtahu, là olon nô te kulit. Lómón yó se yóm tonu bè kun kehtahu yóm béhem Luwis, ne bè kun kehtahu yóm yéem Yunis. Ne ni se yóm bud tonu béléem ni.

1 Tisalunika 3:10

Tódô ket kdaw ne ket kifu me tendo gel mni bè Dwata anì bud tekuy ston, ne anì wen gónó me tmóbóng kuy bè yóm tolo gónó ye là deng ket bè yóm kehtahu ye.

Ifisus 1:16

tey bong se yóm dou kdóyón ke Dwata lemwót bélê ye, ne sónmou gel mutóm kuy bè yóm gel knihu béléen.

Glasya 1:14

Bè kegenu lomi tau, là kô gsenged le dou yó kem dumuhu lemnok bè klolò me du yóm kum gel hentahu mi kem Ju. Tey megenek he dou klolò du yó kem tehe kul adat yó kem tehe fù me.

2 Kurin 1:12

Sotu gónó me gel hligal, abay se tódô tngón me laen kô dù belenen yóm kmò me ebè kem dumu me tau, hol néen yóm gel kmò me ebélê ye. Laen kô bang buni me bélê ye se, ne tódô tngón Dwata snéen yóm kgotu nawa me ebélê ye. Bè yóm kmò me du nim nmò me ni, là kô tódô salig me du yóm kum ketngón, sal gel snalig me yóm kfasang Dwata tmóbóng kum.

Sulat Pol Ebè Yó Kem Tau Hemtahu Bè Rom 9:1

Wen sotu tulónu kuy, là moe kéng bélê ye abay se ou sotu tau nfun Krays tendo galak kehedemu bè yóm Tulus Dwata.

Kul Nmò 27:23

Yó gónóhu mon du yóm monu ni, abay se ebuteng wen hógówen ebéléu gu bè longit yóm Dwata mfun dou, yóm tendo nimónu.

Kul Nmò 26:4

Tódô gotu tngón yó kem dou dumu Ju yóm dou klowil mbut bè hanà kegenu udì, kewóten bè yóm tehe knóu bè yóm dou benwu efet yóm knóu bè Jirusalim.

1 Samwél 12:23

Ke béléu do, ke là henlelu du mni bélê ye bè Dwata, salau bè Dwata se yó ne là kóe móyô mò du yóm yó. Ne henlelu tmolok du kuy yóm lan hyu ne yóm lan tedeng mò lolò ye.

1 Timuti 5:5

Yóm libun bolu tahu laen bang gónón ma, tek són Dwata dé gónón hefet nawan, ne là kóen skó tendo knihen bè Dwata, keten kifu ne keten kdaw.