2 Samwél 1:9 - Udél Dwata: Gna Kesfasad ne Lomi Kesfasad

⁹ Yó monen mò dou, ‘Géhéli edini hnatayem ou. Tey sidek kegnómu du, abay se tey bong nim haliu, bede là géhéle matay.’

2 Samwél 1:9 Referans Kwoze

2 Samwél 1:8

Ne snólóken ou, ‘Tau kóm de?’ Bnalau se, monu, ‘Tauhe Amalikayt.’

2 Samwél 1:10

Tahu se, mógówe ebéléen ne hnatayu, abay se deng tódô tngónu là bud lowilen du tum tey halien. Ominu ma yóm kuruna nô bè kuluhen ne sotu bè yó kem blusù tahu blówón nô bè henmuen anì nwitu lu ebéléem, yóm gónóhu mogot.”

1 Samwél 31:4

Yó udélen ebè yóm tau gel mit klungen, monen, “Dilotem sudengem, tnibóhem ou anì mataye. Là hyuhen ke yó kem tau là temngón ke Dwata yóó yóm hmatay dou, déke hennê le ou.” Okóm là kóen móyô yóm tau gel mit klungen yó, likò mò du. Yó gónó Sol tódô dmilot yóm sudengen ne tódô hneeben.

1 Tutul Israél 10:4

Yó udél Sol ebè yóm tau gel mit klungen, monen, “Dilotem sudengem, tnibóhem ou anì mataye. Là hyuhen ke yó kem tau là temngón ke Dwata yóó yóm hmatay dou, déke sendekà le ou.” Okóm là móyóen yóm tau gel mit klungen yó, likò mò du. Yó gónó Sol tódô dmilot yóm kun sudeng ne hbaken ebè kfuhen ominen hmeeb du.

Deng Hegfan 9:6

Bè yóm limu bulón yó, sónmò le tô hemdeen katay le, okóm là. Hol kóyô le ke géhél le matay, okóm là se kô le matay.