2 Samwél 1:8 - Udél Dwata: Gna Kesfasad ne Lomi Kesfasad

⁸ Ne snólóken ou, ‘Tau kóm de?’ Bnalau se, monu, ‘Tauhe Amalikayt.’

2 Samwél 1:8 Referans Kwoze

1 Samwél 30:17

Tódô nundug Dabid lu mung du yó kem tauhen, suloy le buteng mò du sfatay efet bud kifu hayahen bè yó. Laen dù bè yó kem tau Amalikayt gewà, tek són yóm fat latu kem lomi lemnok smakay kamél.

1 Samwél 30:13

Ne yó mon Dabid mò du, “Tmau du tau hol geta bélê ye? Gónóm gu lemwót de?” Ne yó balaen du yóm tau yó, monen, “Tauhe Idyip, heseken ou yóm sotu tau Amalikayt. Deng tlu butengen ni ne tmebel do abay se wen desu.

1 Samwél 30:1

Timbow deng tlu kdawen bè yó bè yóm kkól le Dabid ne yó kem tauhen bè benwu le bè Siklag, tódô ton le deng nundug yó kem tau Amalikayt yóm benwu Négéb ne deng gotu ntem le yóm benwu Siklag snakufen.

1 Samwél 15:3

Duhen ni, nundug ye lu yó kem tau Amalikayt yó, gotu genlà ye yóm kdê nfun le, béen wen tebel ye. Gotu hnatay ye lu yó kem logi ne kem libun, dalang se kem ngà ne kem ngà hanà hulô, kkólen bè kem safì ne ubiha ne kamél ne kudà asnu le.’ ”

1 Samwél 27:8

Yó nmò Dabid ne yó kem sendaluen, tendo nundug le yó kem tau Gisurayt ne tau Girsayt ne tau Amalikayt, kem tau sana menwu moni bè Sur efet kól etu ebè Idyip.

Lista 24:20

Bud hton Dwata bè Balaam snéen yó kem tau Amalikayt ne tulón Balaam yóm htugod Dwata du, monen, “Hol lemyu senta yó kem dumu but tau yó kem tau Amalikayt. Okóm yó hol són le, gotu le meglà.”

Tekang Kbuten 14:7

Omin le bud semfulék ebè Kadis, yóm benwu bnoluy le Inmispat. Gotu gwa le klamang tonok yó kem tau Amalikayt, ne deng le bud matù bè yó kem tau Amurayt nô bè Hasasun Tamar.

2 Samwél 1:7

Bè yóm kebeklilen, tonen ou ne tnabahen ou. Bnalau, monu, ‘Tedu yó du?’

2 Samwél 1:9

Yó monen mò dou, ‘Géhéli edini hnatayem ou. Tey sidek kegnómu du, abay se tey bong nim haliu, bede là géhéle matay.’

2 Samwél 1:13

Omin Dabid smólók yóm logi mit tulón béléen, “Gónóm gu lemwót de?” Bnalaen se, monen, “Tauhe Amalikayt, okóm menwuhe bè yóm kuy benwu.”