2 Samwél 1:16 - Udél Dwata: Gna Kesfasad ne Lomi Kesfasad

¹⁶ Ne yó udél Dabid ebè yóm tau Amalikayt deng matay yó, monen, “Uu se mò du bè knóem nim ni. Lómón ke hfatayem knóem bè yóm ktulónem du yóm khatayem yóm tau hol geta deng kun nélék Dwata.”

2 Samwél 1:16 Referans Kwoze

Matyu 27:25

Ne mon le se, “Tódô kum nbô ne litóen nim tau ni, dalang se kem kum ngà.”

Kun Snulat Luk 19:22

Ne yó mon yóm tau kól yó, ‘Tey bakà nim uu. Bè yóm udélem yó gónóhu tmuled kóm. Igoem sem temngón du gele móyô smolò, gel nwahu yóm là do du, ne gel nutahu yóm là do hulu du.

Sulat Pol Ebè Yó Kem Tau Hemtahu Bè Rom 3:19

Nim udél Dwata ni koni, deng tngón tekuy se yóm kegbaken ebélê tekuy kem Ju, kem tau gónó Dwata hemsù yóm hlauhen. Angat gotu hdaen bè soluhen yóm kdéen tau bè klamangen benwu. Yó gónóm mon, laen dù lan tekuy kembê du ke tnafak Dwata tekuy bè yóm kulé tekuy yóm kun hlau.

Kem Udél Hlalak Tehe Selumun 6:2

Dengi gholot kô bè yó kem udélem ne glolò le yóm hmóyóem kul?

1 Bok Kem Tau Hol Geta 2:37

Ke hewai ne nifalem Datal Kidron, bè yóm kdaw yó matayi se kóm, ne uu se mò du bè knóem yóm katayem.”

2 Samwél 1:10

Tahu se, mógówe ebéléen ne hnatayu, abay se deng tódô tngónu là bud lowilen du tum tey halien. Ominu ma yóm kuruna nô bè kuluhen ne sotu bè yó kem blusù tahu blówón nô bè henmuen anì nwitu lu ebéléem, yóm gónóhu mogot.”

1 Samwél 26:9

Okóm yó balà Dabid ke Abisay, monen, “Béem abay hensidek, yakà tnafak Dwata du yóm tau hmatay yóm tau deng kun nélék.

Juswa 2:19

Bè yóm kdaw yó ke wen hewà bélê ye, kun salà ke angat matay, là kum snolu du. Okóm ke wen bélê ye nô lem gónô ne wen hemenen, kum snolu se yó.

Kul Nmò 20:26

Tódô tulónu kuy ktahuhen bè nim kdaw ni, ke wen bélê ye hetlas, laen kô dù bud dou du ne,

Isikél 33:5

Deng gungolen yóm uni mò hetgama ne là dog kenmónen du. Yó gónóm mon, kun salà ke matay. Ke tehe nimónen yóm eles hetgama du, là kóen na a matay.

Isikél 18:13

Ke wen hutóngen, mom gel hngaen. Ke lómón yó kmoen yóm tau, hyu kô hlowil du? Là. Tódô hukolu klowilen ne tódô du mbô du yóm kun katay.

Kmukum 9:24

Yó gónón lómón ni kmò Dwata kul anì gbelesen yóm nmò Abimélék ne yó kem tau bè Sékém bè yóm kbonok le yóm hitu folò kem ngà Gidyun. Là gomongen bè nili yóm bérs 25 efet kól bè bérs 57. Yó tulónen yóm kmò ktafak Dwata ke Abimélék ne yó kem tau bè Sékém anì sfatay le honon lu ne efet ghatay le Abimélék ne tey dê matay bè yó kem tau bè Sékém. Ni se yóm kmò kbeles Dwata kul yóm hitu folò kem ngà Gidyun deng hnatay le. Ni se hnigaden yóm udél Jutam eta le. Là gomongen bè nili yóm tsaptér 10 efet kól bè tsaptér 12. Yó tulónen yó kem dumu tau nélék Dwata mò malak yó kem tau Israél. Wen sotu tau néléken boluyen Jifta mò mit sgida bè yó kem tau Amurayt, yóm hohon yó kem tau Israél ne gemmò bélê le. Bud du snéen mit sfatay bè yó kem sfu Ifraim, yó kem kun dumu Israél lemwót bè yóm tey dê udél le etahen là tahuhen ne yó gónó Dwata hegmò du bélê le.

Kul Nmò 18:6

Okóm là dog mom hentahu le du, ne tey sidek gel kebkó le ebéléen. Yó nmò Pol, kenfungen nesen, ne monen mò kul, “Laen dù dou du ne ke bang Dwata tmafak kuy. Tódô ebè yó ne kem tau là Ju le gónóhu e tmolok.”

2 Samwél 16:8

Deng bneles Dwata uu bè yóm litô Sol ne yó kem fes lówóhen, yakà deng nledem du yóm kgetahen. Okóm ni, deng blay Dwata elem hólól ngaem Absalum yóm kogotem benwu. Ngem, deng bud mulék etahem yóm tehe gel nmoem, yakà tauhi monok.”

1 Samwél 25:39

Timbow gungol Dabid yóm deng katay Nabal, yó udélen, monen, “Megdóyón yóm Dwata, du se fen meles ke Nabal bè yóm sidek deng nmoen béléu. Deng henseng Dwata o anì là melese. Deng guta Nabal ne balà yóm nmoen.” Omin Dabid kendel mdók tau ebè Abigil anì snólók le ke móyô myehen ke Dabid.