2 Samwél 1:1 - Udél Dwata: Gna Kesfasad ne Lomi Kesfasad

¹ Kogol yóm katay Sol, mulék Dabid gu bè yóm kegmoen bè yó kem tau Amalikayt, ne lewu kdawen na nô bè kun benwu bè Siklag.

2 Samwél 1:1 Referans Kwoze

1 Samwél 27:6

Duhen yó, bè yóm kdaw yó sù Akis lu bè yóm sotu benwu udì boluyen Siklag. Lenwóten bè yóm kdaw yó efet nim kmoen ni, nfun yó kem tau hol geta bè Juda yóm benwu Siklag.

1 Samwél 31:6

Duhen yó, bè yóm kdaw yó segeng le matay le Sol ne yóm tlu kem ngaen logi ne yóm ngà logi gel mit klungen ne tey wen matay bè yó kem sendaluen.

Tekang Kbuten 14:7

Omin le bud semfulék ebè Kadis, yóm benwu bnoluy le Inmispat. Gotu gwa le klamang tonok yó kem tau Amalikayt, ne deng le bud matù bè yó kem tau Amurayt nô bè Hasasun Tamar.

1 Samwél 30:1

Timbow deng tlu kdawen bè yó bè yóm kkól le Dabid ne yó kem tauhen bè benwu le bè Siklag, tódô ton le deng nundug yó kem tau Amalikayt yóm benwu Négéb ne deng gotu ntem le yóm benwu Siklag snakufen.

1 Samwél 31:4

Yó udélen ebè yóm tau gel mit klungen, monen, “Dilotem sudengem, tnibóhem ou anì mataye. Là hyuhen ke yó kem tau là temngón ke Dwata yóó yóm hmatay dou, déke hennê le ou.” Okóm là kóen móyô yóm tau gel mit klungen yó, likò mò du. Yó gónó Sol tódô dmilot yóm sudengen ne tódô hneeben.