2 Pitér 1:3 - Udél Dwata: Gna Kesfasad ne Lomi Kesfasad

³ Lemwót bè yóm alì kfasang Dwata gónón tódô ket du yóm któbóngen tekuy anì gulit tekuy bè yóm klolò tekuy du. Ne mlan bè yóm deng ketngón tekuy ke Jisas Krays, gónó tekuy gomong béléen bè yóm tey kegetahen ne yóm tey kehyuhen.

2 Pitér 1:3 Referans Kwoze

1 Pitér 5:10

Okóm ke deng legen udì yóm keglayam ye, tey któbóng Dwata kuy. Du se hol hbegel kuy ne tendo ten-gelen yu efet là buden sliwo yóm kehtahu ye. Yó gónón tehe tmaba kuy anì gbót ye bè yóm tey kegetahen ditu bè longit hlanen bè yóm deng kessotu ye bè Krays. Ne yóm kegetahen yó, laen kô dù nan e són.

2 Timuti 1:9

Deng lenwà Dwata tu gu lem hatay, ne tnabahen tu anì baling te kun tau. Sundu ke bè yóm hyu deng nmò te gónón lemwà kut, kaem tódô lemwót bè yóm kun kóyô tmóbóng kut. Yóm któbóngen kut yó, hlanen bè Krays Jisas gu laanen là deng dmimun du nim benwu ni.

Kem Lingón 84:11

Dwata se yóm hol mofin tekuy. Du se yóm hol dandónen geta alì minggel kmoen. Tey któbóngen tekuy mlan bè yóm hyu gel nmoen bélê tekuy, ne bè yóm kadaten tekuy. Là kô nalihen du yóm hyu ebè yó kem tau mò du yóm tedeng.

Sulat Pol Ebè Yó Kem Tau Hemtahu Bè Rom 8:32

Ke là nalihen du yóm hol tek sotu Ngaen, tódô hamaen klowilen bélê tekuy, sélét mom yó ne là blayen du tekuy yóm kdê deng tehe fasaden tekuy.

2 Kurin 12:9

Okóm mom monen mò do, “Wen gónóhu gel tmóbóng kóm anì gbekem hembala du. Kaem yóm gónóm lunog yó, bè yó se gónón gfan yóm hol kfasangu tmóbóng kóm.” Duhen yó, tey kligalu du yó kem gónóhu gel lunog, abay se là kóen mkó béléu yóm kfasang Krays gel tmóbóng dou.

1 Pitér 2:21

Ni se hol kun kóyô Dwata bélê ye ke gbek ye hembala yó kem gónó ye gel glayam hkawang. Ngem ke Krays kun, tey kehbalahen yóm tehe keglayamen bélê ye. Du se mò gónó ye dmalang anì mkél ye du.

2 Tisalunika 2:14

Ni se lemen yóm gónó Dwata tmaba kuy ebéléen hlanen bè yóm Tulón Hyu tehe tulón me kuy. Yó gónón tmaba kuy anì gomong ye bè yóm kun kegeta yóm gónó tekuy mogot Jisas Krays.

1 Pitér 2:9

Okóm yu kem tau deng hemtahu béléen, deng nélék Dwata yu mò hol kun tau. Yu se yóm henged demsù ebéléen. Yu se kem tau hol kun nogot, kem tau hol nfunen. Deng néléken yu anì hol heglalag ye bè klamangen yóm tey hyu deng nmoen bélê ye. Deng tnabahen yu igò ye tolo nô lem gónón kmifu anì mili ye ebéléen bè tum gónón alì lemayag.

1 Tisalunika 2:12

Tey gel kegduf me kuy, ne tey gel kehyu me nawa ye, lel me tendo gemduf kuy anì gmò ye yóm gónón hligal Dwata. Du se tehe tmaba kuy anì gomong ye bè yó kem tau nogoten ne bè yóm tey kegetahen.

1 Tisalunika 4:7

Là kô yó du gónó Dwata tmaba te ke mò tekuy samuk, okóm yó dé hol sen-galuhen bélê tekuy ke hol te mólós.

1 Pitér 1:15

Okóm ni, hol bê ye abay benelen sidek yóm kdê gel nmò ye, abay se là kóen gemsalà yóm Dwata deng mélék kuy. Yó gónóm mon, hol ye heskél béléen yóm klaen salaen.

Ifisus 4:1

Duhen ni, wen hlolou kuy, ou se yóm tau deng geblanggù lanu mò du yóm hmoen dou yóm gónó tekuy mogot. Bê kwit ye ktau ye, hol nmò ye sen yóm nmò seklóón ebè yó kem tau deng tnaba Dwata.

1 Kurin 1:9

Tey gsalig yóm Dwata. Du se yóm tehe tmaba kuy anì hol ye sfulung ebè yóm Ngaen Jisas Krays, yóm gónó tekuy mogot.

2 Pitér 1:2

Yake hol temnù yóm któbóng Dwata kuy ne yóm kenek nawa blayen kuy mlan bè yóm ketngón ye ke Dwata ne yóm gónó tekuy mogot Jisas.

2 Pitér 1:5

Yó gónóm mon, hotu ye gel ye anì hmung ye bè yóm kehtahu ye yóm kehyu kmò. Ne bè yóm kehyu kmò ye, hol hmung ye du yóm khulung ye hedem.

1 Pitér 3:9

Bê ye abay bnalà sidek yó kem tau mò sidek bélê ye. Ke wen tau semdekà kuy, bê ye bud semdekà se kuy. Yó dé balà ye du, duhen yóm hyu bélê le. Abay se bè yóm tehe ktaba Dwata kuy, yó fasaden kuy yóm hyu bélê ye.

Kulasi 1:16

Yakà deng hedlimun Dwata du ke Krays yóm kentihen nô bè longit ne kentihen nô te tonok. Kentihen ton ne kentihen là ton mata du, gotu hedlimunen du, gomong lemen yóm kdéen tau mogot benwu ne yó kem benwu nogot le, kem tau wen knamal le ne kem tau wen kwalis le. Tódô kentihen, gotu hedlimun Dwata ke Krays mò kun.

1 Timuti 4:8

Wen muhen bélê te ke nmò te yóm nmò gónón kemgis lówó te. Okóm milud he kehyuhen bélê te ke nmò te yóm nmò gónó te gulit bè yóm klolò te ke Dwata. Wen se muhen bè yóm klowil te ni kmoen ni, sélétem ne bè yó dum klowil te bè longit hulin kdaw.

Ifisus 4:4

Tekuy kem tau hemtahu, hol lómón ke deng ssotu lówó tekuy. Tek sotu snéen yóm Tulus Dwata. Ne tek sotu se yóm hol hendón nefet nawa tekuy, duhen yóm deng taba Dwata tekuy.

Flipay 4:8

Ni mò sónu du bélê ye, kem dumuhu setwoli. Yake hol sù ye lem hendem ye dé yóm hyu, ne yóm knóón bang dóyón. Tey hyu ke són gel hendem ye yóm tahu ne yóm tedeng ne yóm mólós, ne yóm minggel ne yóm knóón nadat.

Matyu 28:18

Hloni bélê le Jisas, ne monen mò kul, “Deng gotu blay Dwata do yóm kwalis mogot longit ne tonok.

Hibru 1:3

Yóm kun kegeta Dwata, deng hol tódô tahu gfan bè yóm Ngaen yó. Yóm kun kmò Dwata, yó se kun kmò yóm Ngaen. Du fen mkem du yóm kdê nmoen hlanen bè yóm udélen alì mfasang. Timbow kogol yóm tehe kkóhen salà kdéen tau, tódô mulék ebè longit, ne myón fi bè kwanan yóm Dwata alì mfasang bè kdéen.

Kem Lingón 110:3

Bè yóm kdaw angat kwitem sgida, wen tey óyô le tmóbóng kóm yó kem tauhem. Yó kem ngà logi sendaluem alì mólós nes le, angat le sut béléem ket hlafus, hol lómón kmò le, lómón ke amù gel sut hlafus.

1 Pitér 1:5

Hono kuy se funen yóm hyu yó. Ne lemwót bè yóm kehtahu ye, tódô senflós Dwata mofin kuy mlan bè yóm tey kegbeken. Yó gónón mofin kuy, abay se deng eles wen ne yóm klowil laen du sónen angat blayen tekuy, yóm hegfanen bélê tekuy bè yóm hol són kdaw.

Sulat Pol Ebè Yó Kem Tau Hemtahu Bè Rom 9:24

Duhen tekuy se yó kem tau deng tnabahen. Là sónen du kem Ju tnabahen, okóm gomong le snéen kul yó kem tau là Ju le.

Kem Udél Hlalak Tehe Selumun 12:4

Hegdóyónen ne hefligalen tuha logihen yóm libun hyu kmoen, okóm yóm libun henyaken tuha logihen lómón ke gel hengoken lem tiolen.

Rut 3:11

Duhen ni, Rut, béem htafa nawam, nmou yóm kdê kóyóem. Deng gotu tngón yó kem tau bè nim benwu ni yóm tey kgulit knawahem.

Kem Udél Hlalak Tehe Selumun 31:29

Monen, “Tey dê libun hyu kmò le okóm uu yóm hol lemyu bè kdéen.” Ni se koni udél yóm tuha logihen.

Kem Udél Hlalak Tehe Selumun 31:10

Mdangan gónó mton du yóm libun mò yehen hyu kmoen ne ke wen libun lómón yó kmoen tey hyu senta yóm kimu legen mebtes.

Flipay 3:8

Là sónen du yóm monu yó koni yóm tebelu. Deng gotu tebelu snéen yóm kentihen tehe gel lolou anì gutahu yóm alì bong muhen senta le, duhen yóm ketngónu ke Krays Jisas yóm gónóhu mogot. Lemwót bè yóm ketngónu du, tódô gotu tebelu ne yóm gna lolou, hol lómón ke desenfól kehedemu kul anì duhe kóm, hol tngónu Krays,

2 Pitér 1:6

Bud bè yóm khulung ye hedem, hol hmung ye du yóm khulung ye mafas nawa. Ne bè yóm khulung ye mafas nawa, hol hmung ye du yóm khulung ye hbala. Ne bè yóm khulung ye hbala, hol hmung ye du yóm hol kgulit klolò ye ke Dwata.

2 Pitér 1:8

Ke lómón yó yóm tendo gel nmò ye, ne ke là hluda ye mò du, tey wen uléken yóm deng ketngón ye yóm gónó tekuy mogot Jisas Krays.

2 Pitér 1:10

Duhen yó, kem dumuhu setwoli, hol hotu ye són gel ye mò du nim monu ni koni mò gónó ye hton du yóm deng tehe ktaba Dwata kuy, ne yóm deng kéléken kuy. Ke henlel ye mò du nim ni, là kô na ye e gbek kmogol du yóm kehtahu ye bè Dwata.

2 Pitér 2:20

Wen se kem tau deng tebel le yó kem tehe nmò le sidek lan le temngón yóm gónó tekuy mogot Jisas Krays, yóm deng lemwà tekuy gu lem hatay. Okóm sentahen bè yó, mom bud senfulék le yóm sidek tehe gónó le gfét. Ke yó nmò le, milud he yóm kegfét le du. Deng mom ni ne yóm ksideken senta yóm là deng kehtahu le.

2 Pitér 3:18

Yó dé hyu bélê ye ke hol tendo temnù yóm ketngón ye yóm gónó tekuy mogot Jisas Krays, yóm deng lemwà tekuy gu lem hatay, ne ke hol temnù yóm keskél ye béléen. Hol bê tekuy abay nmò sónen yóm kdóyón tekuy du.