2 Kurin 9:2 - Udél Dwata: Gna Kesfasad ne Lomi Kesfasad

² Tngónu yóm tey óyô ye bemlay. Tey kdóyónu kuy bè ni kem tau bè prubinsya Masdunya. Deng gel tulónu kul, yó monu, “Deng nbut le halay gna ne yóm kul keblay yó kem tau hemtahu bè prubinsya Akiya.” Lemwót bè yóm alì kegduf ye bemlay, yó gónón dê tau móyô bemlay bè ni.

2 Kurin 9:2 Referans Kwoze

2 Kurin 8:10

Ni se dou udél ebélê ye bè yóm keblay ye. Tey hyu ke henlós ye yóm deng nbut ye bè halay gna. Igoen yu se hol tanay tau semtifun filak mò blay, lelen yu he mbut du yóm kestóbóng yó.

2 Kurin 8:8

Sundu mon dé ke dóku yu bemlay. Okóm yó dé gónóhu tmulón du kuy yóm kul kegduf bemlay yó kem dumu tau anì wen lan ye hegfan du se kuy ke tahu duhen yóm kuy kbong nawa.

2 Kurin 8:24

Kesok le kól dyó, hol hegfan ye bélê le sen yóm kbong nawa ye kul. Ke ni se nmò ye, kaem angat gungol yó he kem dumu tekuy hemtahu fen hógów kul, ne angat gfan bélê le snéen yóm ktahuhen yóm gel kdóyón me kuy lem blóng le.

Hibru 10:24

Hol gel hendem tekuy yó kem dumu tekuy ston nawa anì hol tekuy stóbóng mò du yóm kesbong nawa ne yóm kehyu nmò.

1 Kurin 16:15

Deng tngón ye ne yóm Stifanas ne yó kem fes lówóhen, lu se hol tanay tau hemtahu bè prubinsya Akiya. Ne ni kmoen ni sónmò le tmóbóng yó kem kun tau Dwata.

1 Tisalunika 1:7

Duhen yó, deng ye baling tau mò gónó le temngel yóm kdéen tau deng hemtahu bè klamangen prubinsya Masdunya ne bè klamangen prubinsya Akiya.

2 Kurin 8:19

Lelen du he deng nélék yó kem dumuhen hemtahu mò mung kum sok eted me yóm filak angat blay tekuy ebè yó kem dumu tekuy élél. Bè nim nmò tekuy ni mò gónón megdóyón yóm gónó tekuy mogot, ne mò gónó me hton du yóm óyô me tmóbóng se kum.

2 Kurin 7:4

Tey deng mgel nawahu du yóm kehtahu ye, botong gel dóyónu yu bè kem dumu tau. Baluen he ke wen gónó me gel glayam, sana tey kgel nawahu. Là kô gbeku hmingón du yóm tey kligalu.

2 Kurin 1:1

Ou se Pol gónóhen lemwót nim sulat ni, lewu me Timuti, yóm sotu dumu tekuy setwoli. Hol lemwót bè kun kóyô Dwata yóm khógów Krays Jisas do. Smulate ebélê ye, yu kem tau hemtahu bè Dwata bè syudad Kurin, dalang se bè yóm kdéen tau Dwata bè klamangen prubinsya Akiya.

Kul Nmò 18:12

Tikóng deng nmò le gubérnor bè yó bè yóm prubinsya Akiya yóm sotu tau Rom boluyen Galyu, yó nmò yó kem Ju, slomong le, na le e senkfô Pol anì nit le skukum bè yóm gubérnor yó.

Kul Nmò 24:17

Deng tey hilu halayu ne là bud gemdà bè Jirusalim,” mon Pol. “Bè yóm lomi kógówu naw e eted yóm filak mò blay bè yó kem tau élél bè yó, ne wen tô hedsuu ebè Dwata.

Sulat Pol Ebè Yó Kem Tau Hemtahu Bè Rom 15:26

Ni kem tóbóng ni, lemwót bè yó kem tau là Ju le deng hemtahu bè yó kem benwu snakuf Masdunya ne Akiya. Tódô lemwót bè nawa le yóm blay le yó mò tóbóng le yó kem tau élél hemtahu bè Dwata bè Jirusalim.

2 Kurin 7:14

Deng tehe gel dóyónu yu béléen snéen dou ekni, ne tahu se, bud tonen bélê ye se kun. Hono tahu se yóm tehe gel tulón me kuy ekni, ne hol lómón yó se yóm deng tulónu ke Taytus, hono tahu.

2 Kurin 8:11

Duhen yó, hol tódô henlel ye mò du efet deng ye. Bè yóm tehe kbut ye du, tey kinì nawa ye mò du. Yake bud lómón yó se kkinì nawa ye hemdeng du. Tódô blay ye yóm gbek blay ye.