2 Kurin 9:1 - Udél Dwata: Gna Kesfasad ne Lomi Kesfasad

¹ Tngónu laen hol muhu alì semsulit du bélê ye yóm kmò keblay ye ebè yó kem dumu tekuy hemtahu bè Judiya.

2 Kurin 9:1 Referans Kwoze

Glasya 6:10

Yó gónóm mon, ke wen lan tekuy tmóbóng kem dumu tekuy, hol tnóbóng tekuy lu, sélétem mon bè yóm hol dumu tekuy hemtahu.

1 Tisalunika 5:1

Ó kem dumu me setwoli, laen dù bud muhu smulat du ne yóm kdaw angat ksut ni kem ni.

Glasya 2:10

Tek sotu tinok le kum, són yóm gel keblay bè yó kem tau élél hemtahu lem blóng le bè yó bè Jirusalim. Ne yó se sotu alì gel nô bè nawahu snéen dou.

1 Jan 2:27

Okóm yó dum kuy, deng sù Krays bélê ye yóm kun Tulus. Anien he ke laen dù tau bud tmolok kuy syan ke senflósen nô bélê ye yóm kun Tulus. Abay se du fen tmolok kuy yóm kdéen, ne laen dù kéng boolen yóm gel toloken kuy, hono tahu. Yó gónóm mon, hol gel nimón ye sen yóm gel toloken kuy yóm Tulus Dwata, ne hol henlós ye yóm kessotu ye bè Krays.

Kem Lingón 45:1

Tey dê kem udél knóón sut lem hendemu yóm igou lemingón du nim lingón ni ebè yóm tau hol geta bélê me. Yóm udél btang bè sumóngu, hol lómón yóm udél gel snulat yóm tau alì hulung smulat.

1 Samwél 20:23

Ne Dwata he hemlós du nim deng senfasad te ni, yakà deng gungolen.”

Sulat Pol Ebè Yó Kem Tau Hemtahu Bè Rom 11:28

Ni kmoen ni, tey wen kem tau Ju hmohon ke Dwata lan le kembê yóm Tulón Hyu lemwót gu béléen. Okóm yóm là kehtahu le yó, tey wen gónón hyu bélê ye kuy yu kem tau là Ju le. Okóm ke Dwata kun, sana kween kul lemwót bè yóm tehe kéléken yó kem tehe fù le.

Matyu 22:31

Ne bè yóm snólók ye bè angat bud klowil tau, là deng gesfala ye du kô yóm tehe tulón Dwata kuy bè Sulaten? Yóm monen,

2 Bok Kem Tau Hol Geta 22:18

Bong bè yó dum tau hol geta bè Juda deng hógów kuy na a smólók ke Dwata, tulón ye du, ‘Ni se udél Dwata yóm Dwata yó kem tau Israél gbak bè yóm udél lomi gungolem.

Tekang Kbuten 27:42

Okóm timbow tngón Ribika yóm tô atul Iso, yó gónón tmaba ke Jakub ne monen mò du, “Ó Ngà, ni hnungolem ou. Yóm twoguhem, tô natul hnatayen uu mò belesen yóm deng nmoem béléen.

Kul Nmò 24:17

Deng tey hilu halayu ne là bud gemdà bè Jirusalim,” mon Pol. “Bè yóm lomi kógówu naw e eted yóm filak mò blay bè yó kem tau élél bè yó, ne wen tô hedsuu ebè Dwata.

Sulat Pol Ebè Yó Kem Tau Hemtahu Bè Rom 12:13

Hol gel tnóbóng ye kem dumu ye hemtahu ke wen gónó le élél se kul. Hol ye gel hmódó ke wen tau milo sut bélê ye.

Sulat Pol Ebè Yó Kem Tau Hemtahu Bè Rom 15:31

anì laen dù lan le hemsidek dou yó kem tau là hemtahuhen bè prubinsya Judiya. Ne hol hni ye dou bè Dwata anì henmóyô yó kem kun tau Dwata bè Jirusalim yóm tóbóng nitu ebélê le.