2 Kurin 8:8 - Udél Dwata: Gna Kesfasad ne Lomi Kesfasad

⁸ Sundu mon dé ke dóku yu bemlay. Okóm yó dé gónóhu tmulón du kuy yóm kul kegduf bemlay yó kem dumu tau anì wen lan ye hegfan du se kuy ke tahu duhen yóm kuy kbong nawa.

2 Kurin 8:8 Referans Kwoze

1 Kurin 7:6

Sundu hlau du nim monu ni, okóm olohu mon du mò kuy yóm hyu bélê ye.

Hibru 10:24

Hol gel hendem tekuy yó kem dumu tekuy ston nawa anì hol tekuy stóbóng mò du yóm kesbong nawa ne yóm kehyu nmò.

2 Kurin 9:7

Duhen yó, yake ket tau eles hemdem du kbongen yóm angat blayen. Là kóen hyu yóm bemlay ke là nóen bè nawan, duhen ke song bemlay ke tek nubug le. Abay se ke Dwata kun, tey kbong nawahen du yóm tau hol nô bè nawahen bemlay.

2 Kurin 6:6

Sotu bud hemblat du yóm ktau me tóbóng lówó Dwata, duhen yóm klaen dù bolen sidek yóm gel kmò me, ne yóm deng hol ketngón me du yóm gel tolok me, ne yóm kanay nawa me bè yó kem tau, ne yóm kganag nawa me ebélê le. Sotu bud hol hemblat du, duhen yóm kbeyenen bélê me yóm Tulus Dwata, ne yóm tahu kbong nawa me kuy.

1 Pitér 1:22

Lemwót bè yóm deng kimón ye yóm ktahuhen, deng ye baling mólós ne, ne deng wen ne yóm tahu kesbong ye nawa. Hol hewót ye lem nawa ye yóm kesbong ye nawa yó.

Ifisus 6:24

Dwata he hol tmóbóng yóm kdéen tau là monol nawa le ebè yóm gónó tekuy mogot Jisas Krays.

Ifisus 4:15

Okóm tólóng se bélê tekuy. Lemwót bè yóm kesbong tekuy nawa, yake hol tulón tekuy yóm ktahuhen. Ngangen efet gulit tekuy yóm kun kmò knawa Krays, yóm gónó tekuy kmulu.

2 Kurin 9:2

Tngónu yóm tey óyô ye bemlay. Tey kdóyónu kuy bè ni kem tau bè prubinsya Masdunya. Deng gel tulónu kul, yó monu, “Deng nbut le halay gna ne yóm kul keblay yó kem tau hemtahu bè prubinsya Akiya.” Lemwót bè yóm alì kegduf ye bemlay, yó gónón dê tau móyô bemlay bè ni.

2 Kurin 8:24

Kesok le kól dyó, hol hegfan ye bélê le sen yóm kbong nawa ye kul. Ke ni se nmò ye, kaem angat gungol yó he kem dumu tekuy hemtahu fen hógów kul, ne angat gfan bélê le snéen yóm ktahuhen yóm gel kdóyón me kuy lem blóng le.

2 Kurin 8:10

Ni se dou udél ebélê ye bè yóm keblay ye. Tey hyu ke henlós ye yóm deng nbut ye bè halay gna. Igoen yu se hol tanay tau semtifun filak mò blay, lelen yu he mbut du yóm kestóbóng yó.

1 Kurin 7:25

Bong bè yóm snólók ye bè yó kem tau là dengen myehen, laen dù hlau lemwót bè yóm gónó tekuy mogot ke gbak bè nim snólók ye ni. Okóm wen tulónu kuy lemwót bè yóm dou kmò kehedem du. Ne denge baling tau gsalig lemwót bè yóm kkoduhen dou yóm gónó tekuy mogot.

1 Kurin 7:12

Ne bè yó kem dumu tau wen udélu ebélê ye snéen, okóm là lemwóten bè yóm gónó tekuy mogot nim udélu ni. Yó monu mò kuy, ke wen tau hemtahu, fen là hemtahuhen yóm tuha libunen, okóm ke là hemtulahen yóm libun yó, hol béen abay dog kó sen.

Sulat Pol Ebè Yó Kem Tau Hemtahu Bè Rom 12:9

Béen olo són te kulit yóm kbong nawa ye kem dumu ye. Hol hegfan ye yóm hol tahu kesbong nawa. Hol knogol ye kdéen sidek. Hol lolò ye yóm hyu.

Isikél 33:31

Tahu se lemwót le, myón le bè soluhem hlingón hnungol le yóm tulónem. Okóm là kóen nô bè nawa le mimón du yóm dou tulón kul mlan béléem. Tey hyu yóm udél kesbong nawa gel btang bè sumóng le, okóm là kô kó le du yóm keseglom le anì wen guta le.

Juswa 24:14

“Ne ni,” mon Juswa, “hol knikò ye Dwata, yóm sana Dwata hol gónó tekuy mogot ne hol hotu ye nawa ye lemolò du. Gotu kó ye yó kem dwata lennged tehe kul gel tnaba yó kem tehe fù ye bè yóm knô le sentu Él Yufratis ne bè Idyip. Olon yóm sana kuy Dwata dé lolò ye.