2 Kurin 8:6 - Udél Dwata: Gna Kesfasad ne Lomi Kesfasad

⁶ Duhen yó, hógów me Taytus edyó bélê ye, abay se du tehe mbut du ekni, hyu se ke bud henfuhen anì henlós ye yóm tey hyu nmò ye yó.

2 Kurin 8:6 Referans Kwoze

2 Kurin 12:18

Bè yóm tehe khógówu ke Taytus edyó, wen sotu dumu tekuy hemtahu hmungu du. Wen kô gónó Taytus smukat kuy bè yóm kógówen edyó? Là kô yó du. Senged se yóm kun knawa Taytus bè yóm dou knawa, ne yóm kun kmò, senged bè yóm dou kmò.

2 Kurin 8:19

Lelen du he deng nélék yó kem dumuhen hemtahu mò mung kum sok eted me yóm filak angat blay tekuy ebè yó kem dumu tekuy élél. Bè nim nmò tekuy ni mò gónón megdóyón yóm gónó tekuy mogot, ne mò gónó me hton du yóm óyô me tmóbóng se kum.

2 Kurin 8:4

Mom lu he tódô hkodu bélê me anì gbót le tmóbóng se kul bè yó kem tau Dwata bè prubinsya Judiya.

1 Pitér 4:10

Wen kenhulung deng blay Dwata kuy, yóm ket kuy ne sotu, ne tey dê kayen yóm kenhulung blayen yó. Yó muhen yóm deng blayen kuy yó mò lan ye tmóbóng kem dumu ye tau. Yó gónóm mon, hol hninggel ye mit du yóm kenhulung deng blayen kuy.

Flipay 4:18

Duhen yó, ni sii mò lesibuhen yóm kdê deng blay ye do, botong wen lukasen béléu lemwót bè yóm blay ye do yó. Laen kô dù hendeenu ni kmoen ni lemwót bè yóm blay ye dou hlan ye bè Ipafruditus. Ni kem blay ye dou ni, hol lómón yóm gel dsù le alì minggel boohen gel blay le ebè Dwata, yóm dsù gel henmóyóen, ne yóm gónón gel hyu nawahen.

2 Kurin 9:5

Yó gónóhen wen eles hógówu tukô gna dou anì eles hentifes ye gu laanu là deng kól dyó yóm blay tehe fasad ye. Bè yóm nmò ye yó, yó gónón hol gfan yóm kewóten bè nawa ye yóm keblay ye, laen dù tlek hmau du kuy.

Kul Nmò 24:17

Deng tey hilu halayu ne là bud gemdà bè Jirusalim,” mon Pol. “Bè yóm lomi kógówu naw e eted yóm filak mò blay bè yó kem tau élél bè yó, ne wen tô hedsuu ebè Dwata.

Sulat Pol Ebè Yó Kem Tau Hemtahu Bè Rom 15:25

Okóm ni, naw na mógów ebè syudad Jirusalim, abay se wen tóbóng etedu bè yó kem tau hemtahu bè yó.

2 Kurin 2:13

Okóm là kóen menek nawahu du, abay se tafa nawahu ke Taytus, yóm sotu dumu tekuy setwoli, là tonu du bè yóm kdaw yó. Yó gónóm mon, olohu mbal kul yó kem tau bè yó, ominu hlós hmebel ke Taytus bè prubinsya Masdunya.

2 Kurin 8:10

Ni se dou udél ebélê ye bè yóm keblay ye. Tey hyu ke henlós ye yóm deng nbut ye bè halay gna. Igoen yu se hol tanay tau semtifun filak mò blay, lelen yu he mbut du yóm kestóbóng yó.

2 Kurin 8:23

Bong ke Taytus se kun, du se sotu tau mò gel dumuhu stóbóng bè yóm gel któbóngu kuy. Bong bè ni kem dumu tau mung ke Taytus, lu se mò henged lówó ni kem dumu ye hemtahu bè ket benwu bè ni, ne tey minggel kegdóyón Krays bélê le.