2 Kurin 8:5 - Udél Dwata: Gna Kesfasad ne Lomi Kesfasad

⁵ Ya tey ketnga me du yóm kbong blay le. Okóm yó hol tanay nmò le, na le gotu hogot yóm gónó tekuy mogot yóm kul klowil. Ne lemwót bè yóm kimón le ke Dwata, bud gbót nimón le mi snéen kum.

2 Kurin 8:5 Referans Kwoze

Sulat Pol Ebè Yó Kem Tau Hemtahu Bè Rom 12:1

Duhen yó, kem dumuhu setwoli, ni alì nalu nawahu bélê ye lemwót bè yóm tey kkodu Dwata tekuy. Hol blay ye ke Dwata dé lówó ye mò henged dsù ye ebéléen, yóm dsù tolo mowil ne tendo gel nmò ye yóm hyu. Ne tey kehyu nawa Dwata du yóm keblay ye du yó. Ke hendem ye yóm kdê deng nmoen bélê ye, tey knóón ke ni se yóm kut nmò.

2 Kurin 8:1

Ó kem dumuhu setwoli, ni hol kóyóu ke tngón ye yóm deng nmò yó kem tau hemtahu bè klamangen prubinsya Masdunya lemwót bè yóm któbóng Dwata kul.

Sulat Pol Ebè Yó Kem Tau Hemtahu Bè Rom 6:13

Hol béen wen bè yó kem nô bè lówó ye mit kuy mò sidek. Hol hogot ye ke Dwata yóm klowil ye, yakà deng lenwaen kuy gu lem hatay, ne deng blayen kuy yóm klowil lomi, anì hol gmò ye yóm tedeng gónón megdóyón Dwata.

2 Tutul Israél 30:12

Bè yóm kdaw yó, wen nmò Dwata bè yó kem tau bè Juda, benlayen lu kessotu nawa mimón du yóm udél yóm tau hol geta ne yó kem genlalen kem tau deng lemolò yó kem hlolò Dwata.

1 Samwél 1:28

Duhen ni, hetfingu ebè Dwata nim ngà ni ne bè yóm klawihen mowil ke Dwata funen.” Omin le yó tmaba ebè Dwata bè yó.

Jirimaya 31:33

Okóm ke deng kól yóm kdawen, ni se yóm lomi senfasad me yó kem tau Israél. Angat suu lem nawa le yó kem hlolou kul ne snulatu lem hendem le. Angat bud ou se mò kul Dwata ne lu se mò dou tau.

2 Tutul Israél 30:8

Bê ye hgel kulu ye, lómón yóm tehe kul kgel kulu, okóm nimón ye Dwata. Mógów ye ebè kun Gónô yóm deng hetfingen, ne deng hólósen laen kô dù tul sónen. Tmaba ye ebè yóm sana kuy Dwata hol gónó mogot anì mkó ta ye yóm tey kebuten kuy.

2 Kurin 4:5

Sundu kum boluy du yóm gel tulón me bè yó kem tau, okóm Jisas Krays yóm gel tulón me. Du se yóm gónó mogot mogot yóm klamangen. Bong ni dum kum, olo me kem tau tóbóng lówó ye lemwót bè yóm kmò me nmò bè Jisas.

Sikaraya 13:9

Yóm dù mowil yó, angat lómó kmou kul lómón yóm tau tmógó tahu blówón ne blówón bukay bè ofi, gotu kóhen ke wen boolen. Omin le yó tmaba bè boluyu ne angat bnalau lu, monu, ‘Lu se yó kem dou tau’ ne yó mon le se kul, ‘Dwata se yóm sana kum Dwata hol gónó mogot.’ ”

1 Kurin 1:1

Ou se Pol gónóhen lemwót nim sulat ni. Tódô lemwót bè kun kóyô Dwata yóm tehe kéléken dou mò sotu tau gel hógów Krays Jisas. Lewu me Sustinis nim nô bè ni, yóm sotu dumu tekuy setwoli.