2 Kurin 7:8 - Udél Dwata: Gna Kesfasad ne Lomi Kesfasad

⁸ Bè yóm tehe gna sulatu edyó bélê ye, tey sidek se kegbeng lem ye du, okóm là genselu du. Bè buten, nan malù sidek kegnómu du yóm kegbeng lem ye yó.

2 Kurin 7:8 Referans Kwoze

Deng Hegfan 3:19

Yó kem tau kenbong nawahu, sal gel bnólówu ne tnafaku lu anì gulit le. Duhen ni, hol knogol ye ne yó kem salà gel nmò ye.

2 Kurin 7:11

Tey tilob uléken yóm tehe kegbeng lem ye yó, abay se tódô lemwót bè Dwata. Ngem yóm alì kehedem ye du yóm là tedengen lem blóng ye, ne yóm alì kekbê ye du yóm sidek nmò yóm sotu tau bè yó. Tey keklit ye du yóm nmoen, ne sidek ktafa nawa ye du snéen. Són hendem ye ke mulék hyu nawahu ebélê ye, ne tey kfi ye do. Ne tey ktafak ye du yóm tau mò sidek lem blóng ye. Bè ni kem nmò ye ni koni deng gónó ye hegfan yóm klaen dù bud kuy du ne yóm kun nmò yóm tau yó.

2 Kurin 7:6

Okóm yóm Dwata, tey hulung hemyu nawa yóm tau sidek keblat nawahen. Yó se gónón hemyu nawa me se kum bè yóm kkól Taytus.

Kun Snulat Jan 21:17

Bud mon Jisas mò ke Pitér bè getluhen dulék, monen, “Ó Simun, ngà Jan, bong nawahem dou kô?” Tô muni nawa Pitér abay se deng tlu dulék Jisas smólók du. Ne mon Simun se kun, “Tódô gotu tngónem se yóm kdéen, Sér. Tngónem se yóm kbong nawahu kóm.” Bud mon Jisas se, “Sen-gyokem dou sen ubihahu.

Kun Snulat Jan 16:6

Mo ye mom hebang nawa lemwót bè yóm ktulónu du kuy ni kem ni.

2 Kurin 7:7

Là són du bè yóm kkólen yó gónón hyu nawa me, okóm bè yóm dê tulónen kum mò gónón hyu nawan ebélê ye se kun. Tulónen kum yóm tey khahù ye do, ne yóm deng kehegsel ye, ne yóm tey kfi ye do. Ne bè yó se gónón alì temnù yóm kligalu.

2 Kurin 7:9

Okóm ni kmoen ni, tey wen kligalu. Là kô yó du gónóhu hligal ke bè tum tehe kegbeng lem ye, okóm yó gónóhu hligal bè yóm deng ketles ye yóm kmò ye lemwót bè yóm deng kegbeng lem ye yó. Tódô lemwót bè Dwata yóm yó. Yó gónóm mon, laen dù gónón sidek bélê ye yóm gna sulatu yó.

2 Kurin 7:12

Duhen yó, bè yóm gna sulat hwitu ebélê ye, là olohen yóm tau mò sidek hendemu, duhen ke olon yóm tau gónón mò du. Okóm yó dé gónóhu smulat du mò gónón gfan yóm tahu nawa ye ebélê me. Tódô ton Dwata yóm hol ktahuhen nim monu ni.